За секој родител е многу важно детето да научи и да игра само. Покрај мирот, тишината и времето што го добивате за вашите обврски, всушност самостојното играње е многу важно и за самото дете.
Ова се развојните предности што ги добиваат децата кои си играат сами:
1. Се учи на граници
Границите не се лоша работа. Иако на почетокот може да наидат на отпор, границите на однесување и она што му е дозволено на детето, му обезбедуваат сигурност. Тие им помагаат на децата да се чувствуваат емоционално безбедно во нивната околина.
2. Учат сами да смислуваат игра
Со оглед на тоа дека детето е препуштено на сопствените идеи, ќе стане подобро во изнаоѓањето начини за забава, фантазирање и смислување свои планови.
3. Негува креативност
Најважниот аспект од ова време е вашето дете да научи да се фокусира на она што може да го направи со работите што ги има на располагање во моментот. На тој начин ќе станат многу позадоволни и посамоуверени. Ограничувањето на изборите ќе ја поттикне креативноста, а не да ја ограничи. Можеби конечно ќе открие дека има доволно играчки.
4. Старите играчки се доволни
За време на играта, вашето дете ќе може да открие нови начини да си игра со своите стари играчки. Ќе може слободно да ја прошири својата имагинација додека се преправа, гради или што било друго што може да смисли. Можностите се бесконечни!
5. Го зголемува фокусот и вниманието
Да можеш да останеш фокусиран на некоја задача е вештина што треба да се развие. На децата особено им се потребни можности да го практикуваат ова. Со текот на времето, ќе почнете да забележувате дека ќе се зголеми времето кога вашето дете може да остане фокусирано на една работа. Ова за возврат ќе го зајакне неговото трпение, вештини за решавање проблеми, имагинација и креативност!
6. Развива трпение
На почетокот, самостојното играње може да изгледа како вежба на трпение за вас и вашето дете ако не му оди. Бидејќи нема друг притисок да направи било што или да му угоди некому, тоа ќе може да помине поеќе време во откривање на работите. А, како што се зголемува трпението, така ќе се зголемуваат и вештините за решавање проблеми.
7. Гради самодоверба
Како што се развиваат трпението и вештините за решавање проблеми на вашето дете, така ќе се развива и неговата самодоверба. Ќе има лично и безбедно место за да пробува нови работи. И тоа ќе почне да верува во неговата способност да го разбере светот околу себе.
8. Развива социјални вештини
Одлично е што децата имаат потреба и сакаат да се дружат. Но, важно им е и да бидат во ред да играат сами. Ќе научат да бидат задоволни со себе и да не зависат премногу од другите за да бидат среќни.
