Марија Монтесори (Италија, 1870 – Холандија, 1952) е познат италијански педагог, лекар и творец на педагошката метода Монтесори. Тоа многу помогна да се промени ставот во воспитувањето на децата во 20 век. Позната е по тоа што формулирала кратки, но впечатливи заповеди за родителите. Тие се концизни, но полни со мудрост. Еве дел од нив…
Никогаш не зборувајте лошо за детето, ниту во негово присуство, ниту отсуство
- Децата учат од она што ги опкружува.
- Ако детето често го караме, тоа учи како да ги осудува другите.
- Ако често го фалиме детето, тоа учи како да ги цени другите.
- Ако покажуваме непријателство кон детето, ќе научи да се тепа.
- Ако сте искрени со вашето дете, тоа ќе научи што значи праведност.
- Ако често го исмејувате вашето дете, тоа станува срамежливо.
- Ако детето се чувствува безбедно, тоа учи да им верува на луѓето.
- Ако на детето премногу често му кажуваме „срам да ти е“, тоа ќе научи секогаш да се чувствува виновно.
- Ако детето често се охрабрува, тоа ќе има голема самодоверба.
- Ако го поддржувате вашето дете, тоа ќе биде самоуверено.
- Ако детето живее во пријателско опкружување и чувствува дека им треба на другите, ќе научи како да најде љубов.
- Никогаш не зборувајте лошо за детето, ниту во негово присуство, ниту отсуство.
- Концентрирајте се на тоа да го развивате доброто кај вашето дете. Така нема да има место за лошото.
- Секогаш сослушајте го и одговорете на детското прашање или молба на детето доколку ви се обрати.
- Почитувајте го вашето дете дури и кога ќе направи грешка. На тој начин ќе може многу брзо да ја поправи својата грешка.
- Секогаш бидете подготвени да му помогнете на детето на кое му е потребна помош и повлечете се кога ќе видите дека се снаоѓа.
- Помогнете му на вашето дете рано да ги совлада работите. Тоа ќе го направите така што ќе се погрижите светот околу него да биде исполнет со позитивност, мир и љубов.
- Секогаш однесувајте се убаво пред детето. Покажете му како да стане најдобрата личност што може да биде.
- Почитувајте го детето кое одмора, ги гледа активностите на другите деца или размислува за нешто што направило. Немојте да му се обраќате и не го присилувајте на некој друг вид активност.
