Ако досега сте се бореле со своето двегодишно дете да заспие во текот на денот, сега слободно може да престанете, без грижа на совест. Имено, спиењето преку ден може да влијае на квалитетот на детскиот сон навечер, потврдиле стручњаците.
Додека од една страна попладневниот сон се препорачува како помало дете би можело да ги издржи целодневните активности, од друга страна дневниот одмор, по втората година од животот на детето, може да има негативно влијание на неговото здравје. Ноќниот сон на детето во голема мера може да се поремети, ако детето го испраќаме на попладневно спиење.
Американската Национална организација за следење на квалитетот на сонот, објави дека децата кои штотуку прооделе, па се до втората година, треба да спијат 10 до 13 часа дневно. Додека попладневното спиење и по втората година, со години наназад се препорачуваше, австралиско истражување покажало дека спиењето преку ден резултира со послаб квалитет на ноќниот сон.
Студијата е спроведена на помали деца над двегодишна возраст кои спиеле во текот на денот и кај нив е забележано пониско ниво на квалитет на ноќниот сон. Проф. Карен Торп смета дека децата всушност спијат премногу, ако спијат попладне и тоа откако уредно спиеле и цела ноќ.
“Родителите не би требало да претпоставуваат дека спиењето во текот на денот и во текот на ноќта се еднакви. Еднаш кога детскиот организам биолошки не бара дневен сон, со присилувањето всушност го прекинувате циклусот на спиење во текот на ноќта“, вели проф. Торп.
