Грицкањето нокти е честа навика меѓу децата. Иако често може да ги нервира родителите, обично е многу безопасно и децата во даден момент престануваат со оваа навика.
ЗОШТО СЕ ЈАВУВА ВАКВАТА НАВИКА КАЈ ДЕЦАТА?
20-30 проценти од населението има навика да ги грицка ноктите, а точната причина е непозната. Сепак, истражувањата покажуваат дека децата ги грицкаат ноктите од неколку причини, што вклучува анксиозност и физички немир.
“Тоа е навика што се повторува, па затоа може да има смирувачки ефект врз личноста“, истакнува Кимберли Монтес, професор по педијатрија.
Некои истражувања велат дека понекогаш тоа едноставно може да биде естетски. Децата едноставно сакаат да имаат пократки нокти или им е многу здодевно.
КАКО ДА ГО ПОТТИКНЕТЕ ДЕТЕТО ДА ПРЕСТАНЕ ДА ГРИЦКА НОКТИ?
Родителите не треба да создаваат притисок, бидејќи честопати тоа само може да ја влоши навиката. Наместо тоа, ако ви пречи тоа што го прави детето, обидете се со позитивен поттик на промена. Бидејќи многумина не се ни свесни дека имаат лоша навика, првиот чекор е укажување. Кажете му на детето: “Погледни се во огледало. Еве како изгледаш додека ги гризеш ноктите”.
Ако вашето дете е поголемо, можете едноставно да го прашате зошто го прави ова. “Дали се чувствуваш подобро додека ги грицкаш ноктите? Дали ти е здодевно?” Децата често даваат одговори на овие прашања што ќе помогнат да се реши проблемот.
Следниот чекор е фокусирање на енергијата на детето на нешто друго. На пример, наместо да ги грицка ноктите, може да гушне играчка, да си игра со играчка, да стиска стрес топка и слично.
Секогаш кога ќе забележите дека почнува со гризење на ноктите, потсетете го дека има можност за друга, многу подобра навика.
Со текот на времето, оваа втора навика се повеќе ќе биде присутна кај детето, па лесно ќе се ослободи од старата. Користете афирмации, како “Колку убаво сте што секогаш ти текнува да ја користиш стрес топката“ или “Леле, како ти растат. Се чини добро ги одрржуваш во последно време“.
Ако забележите дека детето навистина чувствува сериозно олеснување и се гледа дека е немирно, истражувајте кои стресни фактори доведуваат до ова. Доколку остане недефинирана анксиозност, може да биде многу тешко да се ослободи од навиката на грицкање нокти.
