Врсничкото насилство се случува на училиште, за време на часовите и на одморите, пред училиште, на пат од училиште до дома и преку интернет, т.е. сајбербулинг. Децата изложени на врсничко насилство најчесто се омаловажувани и социјално отфрлени од еден или повеќе врсници и трпат вербална, социјална и физичка агресија.
Внимателно слушајте го вашето дете. Злоставувано дете се срами од тоа што му се случува и многу му е тешко да зборува за тоа. Веќе и самиот факт што вашето дете проговорило за проблемот и видело дека се грижите може многу да помогне
5 СОВЕТИ: ШТО ДА НАПРАВИТЕ АКО ВАШЕТО ДЕТЕ Е ЖРТВА НА БУЛИНГ
-Не се соочувајте веднаш со насилникот и неговите родители, бидејќи може дополнително да го „подгреете огнот“. Никогаш не охрабрувајте го детето да му се одмазди на насилникот користејќи го системот „око за око, заб за заб“. Враќањето со агресијата на агресија се нарекува војна, а во војна може да има сериозно страдање и многу е тешко да се контролира ситуацијата.
-Обидете се да соберете што е можно повеќе информации за тоа што се случува. Внимателно разгледајте го однесувањето на вашето дете за да стекнете увид во тоа што може да промени во своето однесување со цел ефикасно да се заштити.
-Внимателно слушајте го вашето дете. Злоставувано дете се срами од тоа што му се случува и многу му е тешко да зборува за тоа. Веќе и самиот факт што вашето дете проговорило за проблемот и видело дека се грижите може многу да помогне. Плачењето во прегратките на личност која не сака често прави повеќе од сите интервенции заедно.
-Објаснете му на детето дека некои деца имаат проблеми со себе бидејќи можеби се и самите жртви на насилство дома или имаат ниска самодоверба, незадоволството и сопствените стравови ги носат на несоодветен начин. Помогнете му на детето да разбере дека насилникот не е толку голем и моќен како што мисли.
-Разговарајте со вашето дете за начините како да се заштити од насилниците. Разговарајте за тоа како да одговори на малтретирањето. На пример:
- нека не покажува дека малтретирањето го лути и вознемирува затоа што тоа го „храни“ насилникот,
- нека не реагира, нека го игнорира го насилникот, нека излезе од ситуацијата,
- нека се согласи со насилникот, нека каже „имаш право“ и нека замине,
- секогаш да биде во група со други деца, а не осамен,
- ако треба да бега, секогаш да бега кон луѓе, а не каде што нема никој,
- да не се впушта во никакви разговори со насилникот,
- да се обиде да не го сфаќа овој проблем лично, бидејќи причината се проблемите на детето кое малтретира, а не вашето дете.
5 СОВЕТИ: ШТО ДА ПРАВИТЕ АКО ВАШЕТО ДЕТЕ Е НАСИЛНИК
- Ако вашето дете е насилник, итно му треба вашата помош. Среќна личност никогаш нема потреба да биде лоша кон другите луѓе. Ако вашето дете ги злоупотребува другите деца, сосема е сигурно дека имате несреќно дете на кое сте му потребни.
- Немојте да мислите дека вие би требало да знаете дали вашето дете има проблеми. Децата насилници нема да им кажуваат на своите родители за нивните „активности“, а ниту за своите лоши состојби што ги довеле до такво однесување. За да разберете зошто вашето дете ги повредува другите, можеби ќе ви треба помош од психолог.
- Иако некои деца злоставувачи немаат семејни проблеми, би било добра идеја да размислите што вашето дете учи за насилството дома. Децата кои гледаат насилство или и самите го трпат, учат дека „посилниот угнетува“, па својата болка ќе ја префрлат во агресивна контрола на оние што ги сметаат за послаби од себе.
- Разговарајте со детето дека малтретирањето е сериозен проблем што нема да го толерирате. Разгледајте ги заедно со детето причините зошто малтретирањето е лошо и како се чувствува жртвата на малтретирање. Нагласете дека кога малтретира други деца, всушност остава лош впечаток и кажува грди работи за себе. Објаснете дека насилниците се генерално несреќни, несигурни луѓе. Научете го вашето дете како поефикасно да ги решава конфликтите и проблемите а и важноста на толеранцијата.
- Наградете го детето кога ќе видите дека се обидува и реагира ненасилно.
