Детската соба е опремена, креветчето е монтирано, а бебешката гардероба е совршено свиткана во фиоките во комодата. Па, каде е бебето?
Вашиот гинеколог ви кажал термин, но вашето малечко го нема според предвидениот, очекуван термин на породување. Вашите пријатели и семејството постојано прашуваат: „Кога е големиот ден?“ Сега откога помина, не знаете што да им кажете.
Вашиот гинеколог ви дал датум на породување кој е 40 недели од првиот ден од вашата последна менструација. Сепак, пресметките за бременост може да бидат поместени за една или две недели, особено ако не се сеќавате на точниот датум на вашата последна менструација.
Повеќето бебиња пристигнуваат помеѓу 38-та и 42-та недела од бременоста. Кога бебињата не пристигнале до 42-та недела, тие се сметаат за доцни или посттермински. Едно од десет бебиња се раѓа после предвидениот термин.
Зошто моето бебе доцни?
Никој не е сигурен зошто некои бебиња одложено доаѓаат на свет. Ништо што сте направиле или не сте направиле за време на бременоста не предизвикало вашето бебе да има подолг престој во вашата матка.
Ако има проблем со вашето бебе или сè уште не сте се породиле две недели по датумот на породување, вашиот лекар веројатно ќе индуцира породување. Индуцирањето може да ја намали шансата да ви треба царски рез
Сепак, можеби е поголема веројатноста да доцни породувањето доколку:
- Никогаш претходно не сте биле бремени;
- Во минатото сте имале бебиња родени подоцна;
- Има други жени во вашето семејство кои се породиле откако им изминал терминот;
- И самите сте родени подоцна.
Дали раѓањето после термин може да му наштети на моето бебе?
Доаѓањето на свет повеќе од две недели по предвидениот термин може да има одредени ризици. Стапката на перинатална смртност (мртвородени деца плус рана неонатална смрт) во 42 недела од бременоста е двојно поголема од онаа во термин (4-7 смртни случаи наспроти 2-3 смртни случаи на 1.000 породувања).
Можните проблеми со посттерминско породување вклучуваат:
- Проблеми со дишењето кај бебето;
- Забавен или запрен раст поради плацентарна инсуфициенција;
- Пад на нивото на амнионската течност – течноста што го опкружува и го штити вашето бебе кое расте;
- Фетален дистрес – забавено отчукување на срцето и други знаци дека бебето е во неволја;
- Дишење при првото движење на дебелото црево (мекониум);
- Потреба од царски рез или породување со форцепс бидејќи бебето е големо;
- Мртво раѓање.
Дали мојот лекар ќе индуцира породување?
Тоа зависи од вашиот првичен датум на породување и од здравјето на вашето бебе. Вашиот лекар може да одлучи да предизвика породување откако ќе задоцните една недела. Или докторот можеби ќе сака да почека уште малку за да види дали ќе се породите сами.
Во меѓувреме, вашиот лекар ќе ве проверува околу двапати неделно за да се увери дека вашето бебе сè уште е добро. Може да имате еден или повеќе од овие тестови:
- Бестресен тест, кој користи фетален монитор за следење на пулсот на вашето бебе;
- Ултразвук за проверка на растот и движењето на вашето бебе;
- Мерење на амнионската течност;
- Испитување на грлото на матката за да се види дали е истенчено и проширено за да се подготви за породување.
Ако има проблем со вашето бебе или сè уште не сте се породиле две недели по датумот на породување, вашиот лекар веројатно ќе индуцира породување. Индуцирањето може да ја намали шансата да ви треба царски рез.
Лекарот ќе ви даде лек наречен окситоцин (питоцин). Овој лек ќе предизвика контракции на вашата матка за да започне процесот на породување. Можеби ќе ви треба средство за зреење на грлото на матката пред да се даде окситоцинот. За време на породувањето, лекарскиот тим ќе преземе посебни мерки на претпазливост – особено ако вашето бебе го поминало првото празнење на дебелото црево или ако вашата плодова вода е намалена.
Нормално е да бидете загрижени за доаѓањето на вашето бебе, но обидете се да се опуштите. Сè додека вашиот лекар вели дека вашето бебе е здраво, во ред е да чекате. Уживајте во ова малку дополнително време. Ќе го цените тоа наскоро, кога ќе менувате пелени и го храните вашето бебе деноноќно! (WebMD)
