Покрај бљуцкањето и икањето, грчевите (колики), зелана столица, констипација, дијареа, како проблеми во исхраната на доенчињата може да се јават и неухранетост и прејадување.
НЕУХРАНЕТО БЕБЕ
Добро нахрането бебе, обично се смирува и заспива непосредно по хранењето. Недоволно исхрането, продолжува да биде немирно и се буди на секој еден до два часа по оброкот, оставајќи впечаток на гладно дете. Овие знаци на лоша исхрана не се секогаш очигледни и родителите не ги разбираат.
Неухранетоста може да биде резултат на нервоза или неудобна положба при хранењето, или по потешкотии во џвакањето и голтањето, ни и по неадекватна техника на хранење или грешки во подготовката на формулата.
Добивањето на тежина помалку од 200гр неделно кај доенче помладо од 4 месеци, укажува на неадекватна исхрана. Доено бебе кое не добило доволно на тежина, може да се мери пред и после подојот, неколку пати, за да се измери количината на внесеното млеко. Ако таа не е доволна, може да се додаде формула.
ПРЕЈАДУВАЊЕ КАЈ БЕБЕ
Прејадувањето настанува кога на доенчето му се дава повеќе храна отколку што му е потребно. Се јавува кога доенчето автоматски се храни штом заплаче. Кога шишето му се дава како разонода, како и кога родителите даваат храна како награда или кога очекуваат детето секако да ја изеде наменетата количина, иако не е гладно.
Прејадувањето се препознава по пребрзо зголемување на телесната тежина. Индиректни знаци на прејадување се плач, претерано бљуцкање по оброк и дијареа. Долгорочно, прејадувањето може да доведе до гојазност.
