Според статистиките, од сите парови кои се обидуваат да забременат, само 30 проценти успеваат да забременат во првиот циклус, 85 проценти во рок од 12 месеци, а на останатите им се потребни неколку години и евентуално медицинска интервенција за да забременат.
Жените вообичаено, дури и пред да забременат, кога сакаат бебе, читаат разни работи за бременоста, но за жал можат да слушнат и многу неточни информации.
Во продолжение дознајте кои се најчестите митови за бременоста.
Мит 1: Широките колкови го олеснуваат породувањето
Всушност, колковите немаат никаква врска со породилниот канал. Обликот и големината на карличниот отвор се важни.
Мит 2: Стомакот открива дали носите девојче или момче
Би било одлично кога, врз основа на големината и обликот на трудничкиот стомак, би можело да се утврди дали бебето е машко или женско, но не е баш толку едноставно. Постојат две работи што можат да влијаат на обликот и големината на стомакот на бремената жена: големината на фетусот и положбата на бебето во матката – и ова нема никаква врска со полот.
Мит 3: Ултразвучниот преглед е штетен за бебето
Не постојат научни докази дека правилно извршениот ултразвук може да ѝ наштети на мајката или на нероденото бебе. Ултразвукот не содржи зрачење, туку само високофреквентни звучни бранови, иако интензитетот на овие бранови е многу низок.
Мит 4: Не смеете да трчате за време на бременост
Бременоста не значи дека мора да се откажете од трчањето, ако тоа е тренинг што го посакувате. Ако жената има бременост без компликации, безбедно е и здраво за неа да трча во текот на целата бременост. Сепак, треба да избегнувате трчање ако имате висок крвен притисок, ако претходно не сте трчале итн. и дефинитивно треба да разговарате со вашиот лекар за тоа пред каков било тренинг.
Мит 5: Во ред е повремено да пиете алкохол
Кога бремена жена пие чаша вино или пиво, тоа бусловно кажано, го пие и нејзиното бебе. Алкохолот може да помине низ плацентата. Пиењето алкохол за време на бременоста го зголемува ризикот бебето да се роди со физички или ментални дефекти, а ова е научно докажано.
