Додека некои познати личности инспирираат со својот начин на растење и воспитување на децата и со задоволство ги споделуваат своите искуства со други мајки на социјалните мрежи, некои имаат правила кои се невообичаени за многумина и со кои некои родители никогаш не би се согласиле. Ви откриваме какви необични навики во воспитувањето имаат некои од најпопуларните родители во светот:
Бијонсе и Џеј Зи
Познатиот пар и нивните деца често се опкружени со папараци и обожаватели. За да ја заштити приватноста и безбедноста на нивната ќерка Блу Ајви, таа не смее да оди на училиште без цела екипа од луѓе која се грижи за неа, што значи најмалку два автомобили и тројца телохранители. Како што се наведува во странските медиуми, често пред училиштето се создава голема гужва и метеж додека девојчето не влезе во училиштето, па поради тоа и другите деца понекогаш доцнат на настава.
Дензел Вашингтон
Децата на познатиот актер сега се полнолетни, но кога биле мали биле најучтивите деца во својата околина. Актерот откри дека неговата сопруга и тој често ги учеле децата да додаваат „господине“ или „госпоѓо“ по изговорениот збор.
Вил Смит
На актерот Вил Смит му било исклучително важно неговите деца никогаш да не се чувствуваат лошо или да бидат повредени на кој било начин. Затоа неговата сопруга Џејда Пинкет-Смит и тој никогаш во животот не ги казниле ќерката Вилоу и синот Џејден. Што и да направат нивните деца, нема да бидат казнети, а парот тоа го нарекува „круг на безбедност“.
Џулија Робертс
Необичните правила кои актерката ги има во воспитувањето на нејзините деца често се појавуваат во медиумите, а познато е дека нејзините деца смеат да јадат слатки на роденден или кога има некоја исклучително важна пригода – само неколку пати годишно. Исто така, нејзините деца не смеат да користат социјални мрежи.
Кристина Агилера
Пејачката смета дека е исклучително важно да се цени женското тело, па нејзиниот син Макс е опкружен со уметнички дела кои прикажуваат гола женска фигура. „Ние собираме уметнички дела, па има многу актови низ куќата. Макс ќе порасне мислејќи дека тоа е нормално… Чудно е само ако се срамите“, верува пејачката.
Џенифер Гарнер
Актерката строго ги воспитува двете ќерки кои ги има со Бен Афлек, а тие ретко го добиваат она што го сакаат. Како што се наведува во странските медиуми, актерката само еднаш годишно избира ден кога ќе им каже „да“ на децата за се што ќе и побараат.
Мадона
Познатата пејачка не толерира неред, а иако има помош во домот, смета дека децата треба да научат да бидат уредни и да одржуваат ред во домот. Во една пригода таа раскажала дека нејзината ќерка, која не ставала валкани алишта во корпата или во машината за перење, и ги ставила сите работи во вреќа и ја сокрила во куќата. Девојчето морало да оди на училиште во иста облека со денови додека не ја научила лекцијата, објаснила Мадона.
Гвинет Палтроу
Децата на Гвинет Палтроу, покрај тоа што мораат да јадат храна без глутен иако глутенот не им пречи, не смеат да гледаат телевизија – но само ако се зборува англиски, кој е нивниот мајчин јазик. Сè додека гледаат телевизија на шпански или француски, таа нема ништо против.
Дру Баримор
Иако потекнува од познато холивудско актерско семејство, на своите деца им поставила јасно правило – не смеат да станат актери. Како дете завршила на рехабилитација од алкохол и дрога и смета дека е среќна што денес е жива. Поради ова, таа стравува дека слична судбина би можела да им се случи на нејзините деца доколку на порана возраст влезат во Холивуд.
