Две дози на вакцината „Фајзер“ против Ковид-19 се ефикасни 88 проценти против делта варијантата на вирусот, покажува најновото истражување.
Студијата, објавена во „New England Journal of Medicine“ во средата, од истражувачи во Public Health England, нуди уверување за ефективноста на вакцините против делта варијантата.
Ефективноста од 88 проценти против делта варијантата е скромно пониска од ефективната 93,7 проценти против алфа варијантата, која за прв пат беше идентификувана во Велика Британија.
Студијата, објавена во „New England Journal of Medicine“ во средата, од истражувачи во Public Health England, нуди уверување за ефективноста на вакцините против делта варијантата
Наодите ги зајакнуваат претходните податоци на Public Health England објавени во мај, кои утврдија 88 проценти ефективност против делта сојот.
Овие наоди се во спротивност со израелската студија на почетокот на овој месец, што предизвика одредена загриженост кога откри дека вакцината „Фајзер“ е само 64 проценти ефективна против делта варијантата, но методите на таа студија наидоа на скептицизам кај некои експерти.
Студијата објавена во средата, исто така, ја испитуваше и вакцината АстраЗенека, која се користи во Велика Британија, но не и во САД. Оваа вакцина била 67 проценти ефикасна против делта варијантата, во споредба со 74,5 проценти против алфа.
И двете вакцини биле далеку помалку ефикасни по само една доза, околу 30 проценти, што ги наведе официјалните лица да апелираат луѓето да ги земаат обете дози на вакцината.
Најголемата порака од здравствени експерти и официјални лица во САД е да се вакцинираат, имајќи предвид дека вакцините нудат заштита дури и од делта варијантата, која сега е доминантна во САД и ги разгорува епидемиите кај невакцинираните со оглед на нејзината преносливост.
Ефикасноста од 88 проценти на вакцината „Фајзер“ против делта сојот е исто така против добивање на какви било симптоми. Ефективноста против хоспитализацијата и смртта се покажа дека е уште поголема, иако не беше измерена во оваа студија.
„Вакцините делуваат, дури и против варијантите“, твитна Ангела Расмусен, вирусолог од Универзитетот во Саскачеван, како одговор на новата студија. „Вакцинирајте се ако веќе не сте го сториле тоа“. (The Hill)
- Линк до студијата објавена во „New England Journal of Medicine“ ТУКА
