Децата имаат 44 проценти помали шанси да се заразат со коронавирус отколку возрасните, покажало истражувањето спроведено од тим на научници предводени од претседателот на Британскиот кралски колеџ за педијатрија и детско здравје.
Научниците прегледале и анализирале 32 студии и откриле дека децата и адолесцентите помлади од 20 години имаат 44 отсто помали шанси да развијат секундарна инфекција со SARS-CoV-2 отколку луѓето постари од 20 години, пренесува Ројтерс.
Во истражувањето се наведува дека постојат прелиминарни докази дека децата помлади од 10-14 години имаат помала веројатност да се заразат со SARS-CoV-2 отколку возрасните, и дека адолесцентите се чини дека се приближно подложни како и возрасните.
Анализата ја предводел проф. Расел Винер, претседател на Кралскиот колеџ за педијатрија и детско здравје (Royal College of Pediatrics and Child Health).
Линк до студијата ТУКА.
