Иако сите родители се трудат нивното дете да биде среќно, бројни досегашни истражувања покажале дека децата во Јапонија се најсреќни на светот, и тоа поради нивниот начин на живот. Како што пренесува The Asian Parent, јапонските родители имаат посебен пристап кон воспитувањето, кој во голема мера се разликува од останатите.
- Го учат детето да биде независно
Родителите во Јапонија се трудат од што помала вораст да го научат детето да биде независно. На пример, го учат своето дете да оди на училиште без придружба, никогаш не решаваат домашни задачи и слично. Сето тоа, објаснуваат психолозите, го поттикнува развојот на независност кај детето, но и ја зајакнува неговата самодоверба.
- Тие не се жалат на своето дете
Додека повеќето родители често ги споделуваат своите родителски искушенија и неволји, јапонските родители се поинакви. Истражувањата покажуваат дека тие, своите проблеми кои се однесуваат на воспитувањето или семејството ги споделуваат само со луѓе во кои имаат најголема доверба. Исто така, било каков разговор за активностите на своето дете, тие го сметаат за неприфатлив.
- Секој слободен момент го поминуваат со своето дете
Иако јапонските родители, како и сите други, се соочени со напорно секојдневие и бројни обврски, сепак секој слободен момент го поминуваат со своето дете. Тие веруваат дека поврзувањето со детето е исклучително важно за неговиот развој, па затоа никогаш не пропуштаат да се посветат на своето дете кога имаат време.
Оброците секогаш ги јадат заедно
Јапонските родители цврсто се придржуваат до правилото секој оброк (кога е тоа можно) да го јадат заедно на маса. Имено, нивните оброци се семејни, а децата често се вклучени во подготовката на храната. Така уште од мали нозе ги учат за здрави навики и подготовка на оброци.
