“Како беше на училиште денес?“ е прашање кое повеќето родители им го поставуваат на децата по враќањето од училиште, но ретко кој добива задоволителен одговор. Повеќето од децата одговараат со “добро“, “ок“ и од ова родителите не можат да дознаат како навистина се чувствуваат децата, дали имаат проблеми на училиште и дали се задоволни. И таа приказна се повторува од ден на ден.
Родителите се надеваат на подолг одговор, додека децата, од друга страна, се многу повеќе заинтересирани за сè друго отколку да разговараат со родителите за училиштето. Ако сакате да добиете увид во тоа што децата навистина мислат или чувствуваат за училиштето, обидете се со некои од следниве прашања, советуваат експертите за детски развој.
- Кој ти беше омилен дел од училишниот ден?
- Кој ти беше вашиот најмалку омилен дел од училишниот ден?
- Која ти беше најинтересната информација што ја научи?
- Поради што денес беше најсреќен?
- Со кого седеше на одморот?
- Со кого си играше на одмор?
- Што те растажи денес?
- Дали нешто особено те загрижи денес?
- На штоси најмногу горд во денешниот ден?
- Кој те насмеа денес и како?
- Дали му помогна некому денес? Како?
- Дали некој ти помогна со нешто денес? Како?
- Што би променил во денешниот ден да можеш?
- Дали ти треба моја помош или поддршка во врска со нешто што си го доживеал денес?
- Дали се чувствуваш пријатно додека учествуваш во наставата?
- Како учествуваш на час?
- Кои се твои најдобри пријатели?
- Дали сакаш да работиш сам или во мала група?
- Кога би можел да бираш, до кого би седеле на час? Зошто?
- Што се случува ако не се почитуваат правилата?
- Дали постојат правила за кои мислиш дека се неправедни?
- Дали некогаш си се чувствувал несигурен на училиште? Што се случи?
- Кој ти е омилен наставник и што ти се допаѓа кај него или неа?
- Каква грешка направи денес? Што научи од таа грешка?
- По што оваа година се разликува од минатата година?
- На што ќе се радуваш кога ќе утре ќе отидеш во училиште?
- Дали има нешто од што се плашиш?
Благодарение на овие прашања, можете да дознаете некои навистина неверојатни работи! Овие прашања се само насоки според кои би можеле да се водите за да развиете комуникација со вашето дете и да ја поттикнете неговата потреба за разговор. Многу од овие прашања ќе доведат до одлична дискусија која ќе ви овозможи подобро да го запознаете вашето дете. Важно е да запомните да не го прекинувате детето додека зборува!
