Кога бебето ќе почне да јаде цврста храна, содржината и зачестеноста на столицата се менуваат. Сите овие нови намирници може да ја зголемат веројатноста за појава на пеленски осип., особено кај бебиња од девет месеци или постари. Киселата храна најчесто е главен виновник за иритација на чувствителната кожа во пределот на анусот. Всушност, со консумирање на ваква храна, столицата е пресилна за нежната бебешка задница, поради што е важно честото менување на пелени и употребата на масни креми.
Овие четири намирници предизвикуваат иритација:
- Цитрусни овошја и сокови: Иако се внесуваат во исхраната на бебето од една година, овие производи се многу кисели, што е тешко за неговиот дигестивен систем. Доколку забележите осип или црвенило, избегнувајте: портокали, лимони, лимета, грејпфрут и сокови направени од секаков вид цитрус.
- Домати и производи на база на домати: Доматите се уште една многу кисела состојка која може да ги зголеми симптомите на пеленски осип. Вашето бебе треба да избегнува и сос од шпагети, супа од домати, кечап и сè друго што има база од домати.
- Јагоди: Иако јагодите имаат пријатен вкус, киселоста на овошјето може да го иритира дигестивниот систем на бебето и на тој начин да предизвика пеленски осип.
- Ананас: Повеќето тропски овошја се кисели, но тоа не значи дека треба да се избегнуваат во исхраната на децата. Наместо ананас, размислете да му понудите на вашето бебе манго или папаја, има сличен вкус, а не предизвикува иритација.
Овошјето и млечните производи, особено кога се воведуваат, можат да предизвикаат помека столица и иритација, доколку пеленски осип не исчезне за неколку дена или се влоши, најдобро е да одите на педијатар, но пред тоа внимавајте на храната што ја консумира бебето.
