Стручњаците велат дека доилките смеат да јадат буквално се, во умерени количини, се додека тоа не им пречи на бебињата кои ги дојат. Нема забранета храна, или намирници . Токму разновидната исхрана на мајката го менува вкусот на млекото и му нуди на детето разни вкусови. Ако мајката забележи дека некоја намирница му пречи на детето, треба истата на некое време (еден до два дена) да ја исфрли од исхраната. Но, сепак постои храна која треба да се одбегнува не поради нејзиниот вкус туку поради составот.
Овие намирници треба да се одбегнуваат за време на доењето:
Алкохол
Едно американско истражување покажало дека мала количина алкохол не е штетна за бебето, но само ако се работи за многу мала количина. Чаша вино за вечера (не секој ден) или во исклучителни ситуации не е нешто за што треба да се грижите. Но, чаша вино секој ден е навистина ризик за детето. Поголемите количини алкохол предизвикуваат слабост, длабок сон и абнормална тежина кај детето, а воедно го намалуваат и создавањето на млекото.
Риба
Во теорија, сите риби содржат одредена количина жива или неуротоксин, кој може лошо да делува врз мозокот на бебето. Сепак, рибата изобилува со здрави протеини и масти, па ризикот од живата е незначителен. Исклучок се оние риби во кои има најголема концентрација на жива, а тоа се сабјарката и скушата. Наместо нив, консумирајте по два оброка на ден шкампи, лосос и сом.
Кафе
Добра вест е дека по непроспиената ноќ покрај своето бебе, мајката слободно може да се напие една шолја кафе наутро, но како и со алкохолот, треба да се намали количината. Во текот на денот не би требале да пијат повеќе од две шолји.
