Научниците развија универзален тест за аутизам кај бебињата, за кој е доволен само еден прамен коса. Тестот ги мери нивоата на метали, како што се олово и алуминиум, кои се повисоки кај аутистичните деца. Се покажа дека точно го предвидува аутизмот во 81 отсто од случаите, пишува „Journal of Clinical Medicine“, списание во кое беа објавени резултатите од студијата.
„Можеме да откриеме аутизам со само еден сантиметар коса. Проблемот е што тој се дијагностицира дури на четири години, а дотогаш мозокот веќе поминал низ значителен развој. Со нашиот тест сакаме да овозможиме рана интервенција“, изјави ко-основачот на компанијата Маниш Арора за NBC News
Научниците го тестирале својот метод на прамени коса собрани од 486 деца во Јапонија, Шведска и САД, кога имале околу еден месец. Резултатите потоа биле споредени со клиничката дијагноза на аутизам, направена кога децата имале околу четири години. Научниците откриле дека нивниот тест правилно го идентификувал аутизмот во 81 отсто од вкупниот број.
Независни научници ги опишаа резултатите како „револуционерни“, па сега ги следи и американската Агенција за храна и лекови (ФДА).
Бидејќи не постои стандарден тест за оваа состојба, лекарите мора да се потпрат на развојната историја и однесувањето на детето. Затоа, аутизмот во САД обично не се дијагностицира официјално до 4-годишна возраст, а во Велика Британија просекот е шест години.
Тимот од њујоршкиот старт-ап Linus Bio вели дека нивниот тест треба да се користи во комбинација со други методи, а не самостојно, но тие забележуваат дека може да помогне да се скрати дијагностичкиот развој.
Бидејќи не постои стандарден тест за оваа состојба, лекарите мора да се потпрат на развојната историја и однесувањето на детето. Затоа, аутизмот во САД обично не се дијагностицира официјално до 4-годишна возраст, а во Велика Британија просекот е шест години
„Можеме да откриеме аутизам со само еден сантиметар коса. Проблемот е што тој се дијагностицира дури на четири години, а дотогаш мозокот веќе поминал низ значителен развој. Со нашиот тест сакаме да овозможиме рана интервенција“, изјави ко-основачот на компанијата Маниш Арора за NBC News.
За тестирање, научниците прво користат ласер за отстранување на површинскиот слој на косата. Вториот, помоќен, ласер потоа ги комплетира мерењата во 650 точки по должината на косата. Потоа се проверуваат супстанциите поврзани со аутизмот, вклучувајќи метали како олово, кадмиум, арсен, цинк и бакар. Претходните истражувања открија повисоки нивоа на сите три елементарни метали во косата на децата со аутизам. Истражувачите не се сигурни зошто е тоа така, но шпекулираат дека можеби е поврзано со генетски фактори или изложеност на супстанции од околината. Резултатите потоа се внесуваат во компјутерска програма која бара обрасци кои укажуваат на аутизам. Системот е развиен врз основа на студии спроведени на стотици луѓе во Шведска и во САД.
Поради почетниот успех на нивниот тест, истражувачите сега ја прошируваат студијата на 2.000 учесници. Сепак, истражувачите кои не се вклучени во студијата велат дека родителите треба да бидат внимателни оптимисти.
„Секако, треба да се направи уште многу пред да се заклучи дека овој тест е валидна мерка за ризикот од аутизам“, изјави за NBC д-р Скот Мајерс, невроразвоен педијатар од Институтот за аутизам и развојна медицина Гајзингер.
