Научниците ги повикаа владите да го одложат примањето на втора доза на Фајзер вакцината против коронавирусот, оти веќе по првата доза покажува висока ефикасност од 92,6 проценти.
Канадскиот епидемиолог Данута Сковронски и Гастон Де Серес, професор на Медицинскиот факултет Лавал во Канада, во трудот објавен во списанието New England Journal of Medicine велат дека нивните заклучоци се темелат на документацијата што Фајзер ја поднел на Американската агенција за храна и лекови.
И во случај со вакцината на Модерна, утврдено е дека уште по првата доза, ефикасноста е 92,1 процент, наведуваа Сковронски и Де Серес.
Тие притоа предупредуваат дека се уште не е познато колку долго трае заштитата што ја нуди едната доза вакицина, но истакнуваат дека давањето на втората доза еден месец по првата, нуди “краткорочно малку дополнителна корист“.
“Со оглед на моментаниот недостаток на вакцини, одложувањето на втората доза е прашање на национална безбедност, кое, ако се игнорира, сигурно ќе резултира со илјадници хоспитализации и смрт поради КОВИД-19, во текот на зимата во САД“, пишуваат авторите.
Фајзер за својата вакцина препорачува давање на две дози во период од 21 ден и се уште не направил тестирање на други распореди на вакцинација и препорачува дека одлуката за давање на само една доза е работа на здравствените власти.
