Откако е прогласена пандемија на коронавирус во светот, едно од златните правила за спречување на пренесување на инфекцијата е да се држи растојание од најмалку два метра во затворени простории и 1,5 метри на отворено. Но, истражувањето на научниците од МИТ покажа дека тоа не е баш така.
Ризикот од инфекција, доколку луѓето се на отворено, со добар проток на воздух, е всушност многу мал. Во такви услови, особено ако не е многу гужва, научниците истакнуваат дека е доволно растојание од еден метар, без потреба да се носи маска
Како што објавија, правилото се заснова на застарено размислување за тоа како коронавирусот се движи во затворено. На почетокот на пандемијата се веруваше дека вирусот се шири преку капки предизвикани од издишување, кивање или говор.
Но, новите докази сугерираат дека честичките на вирусот лебдат на лесни аеросолни капки кои можат да останат во воздухот и да достигнат подалеку отколку што првично се мислеше.
Затоа, научниците истакнуваат, при утврдување на безбедното растојание, треба да се земат предвид и низа други варијабли, како што е бројот на луѓе во собата, дали сите носат маски, што прават и каква е вентилацијата во просторијата.
Имено, во простор каде што луѓето не се движат, туку седат, јадат или пеат, капките полека паѓаат на земјата. Но, во простор каде што луѓето се движат, јадат, пеат или киваат, капките остануваат подолго во воздухот и се шират понатаму. Ризикот во овој случај може да се намали со употреба на добра вентилација и филтрација на воздухот.
Студијата која е објавена во часописот PNAS наведува дека за да се контролира изложеноста на коронавирус, треба да се извршат индивидуални пресметки засновани на варијабли, врзани со секој одделен простор, без оглед дали е отворен или затворен.
Затоа, професорите по применета математика од МИТ – Марк Базант и Џон Буш развија формула која треба да процени колку е безбедно да се остане во некој простор пред ризикот од инфекција да стане преголем.
Во простор каде што луѓето се движат, јадат, пеат или киваат, капките остануваат подолго во воздухот и се шират понатаму. Ризикот во овој случај може да се намали со употреба на добра вентилација и филтрација на воздухот
Формулата го зема предвид бројот на луѓе во собата, големината на просторијата, што прават овие луѓе, дали носат маски и каква е вентилацијата, под услов да има само една личност во собата која е заразена.
Користејќи ја оваа формула, можно е да се пресмета безбедно растојание, кое, во зависност од варијаблите, може да биде 2, но и 20 метри.
Затоа тие истакнуваат дека ризикот од инфекција, доколку луѓето се на отворено, со добар проток на воздух, е всушност многу мал.
Во такви услови, особено ако не е многу гужва, научниците истакнуваат дека е доволно растојание од еден метар, без потреба да се носи маска.
