Истражувачи од Универзитетот Вашингтон тврдат дека децата интелегенцијата ја наследуваат од мајките. Според нивното истражување, жените почесто ги пренесуваат гените кои ја формираат детската интелегенција и се пренесуваат со Х хромозомите. Жените имаат два, а мажите еден.
Исто така, нова студија што ја спровеле истражувачи од Шкотска оди во прилог на фактот дека гените се важни за напредните когнитивни функции наследени од таткото. Но, тие гени се или деактивирани или остануваат потиснати. Тие велат дека ако детето наследи “памет“ од таткото, тој останува “неактивиран“.
Истражувачите од Глазгов интервјуирале 12.686 лица на возраст од 14 до 22 години, секоја година од 1994., земајќи ги предвид различните фактори како раса, образование и социо-економскиот статус. Откриле дека коефициентот на интелегенција на мајката е најдобар показател на интелегенцијата. IQ на испитаниците варирал за просечни 15 бода од нивните мајки.
Тие спровеле и експеримент со помош на генетски модифицирани глувци. Кога дале дополнителна “доза“ мајчини гени во глувците, им се развил поголем мозок и релативно помали тела. Кога им додале дополнителна “доза“ таткови гени, имале помал мозок и поголеми тела.
Студијата заклучува дека развојот на мозокот зависи од мајчините гени, а физичкиот развој од гените на таткото. Истражувачите нагласуваат дека генетската предиспозиција не е одлучувачки фактор за нивото на интелигенција. Околината, исто така, игра голема улога во развојот на когнитивните функции на детето. Тие додаваат дека едно дете наследува само 40 до 60 проценти од гените на неговите родители.
