Секој знае колку е силна врската помеѓу мајката и нејзиното дете. Не само што мајчинството неповратно ја менува жената физички, психички и емоционално, туку бебето буквално го менува телото на мајката. Делови од бебето всушност ги заменуваат клетките на мајката и продолжуваат да живеат во телото на мајката во наредните години.
Многу е направено на темаа за врската помеѓу мајката и детето, од поезија до книги до уметнички дела, но оваа моќна целина никогаш не била доловена на овој начин:
Ја гледате првата слика од магнетна резонанца (МРИ) која ја прикажува врската мајка и дете, направена од неврологот Ребека Сакс. На сликата всушност ја прикажува Ребека и нејзиниот двомесечен син Перси.
„Оваа магнетна резонанца не ја направив за дијагностички цели, дури ни за научни цели. Колку што сум запознаена, никој никогаш не направил магнетна резонанца на мајка и дете и сакав да видам како изгледа тоа“, објасни Ребека.
Можеби најнеочекуваниот дел од сликата е како се гледаат разликите помеѓу мозокот на детето и мозокот на мајката. Мозокот на бебето е помазен и потемен бидејќи има значително помалку бела материја. Белата материја или белата маса се состои од глијални клетки и миелин кои пренесуваат сигнали од еден регион на мозокот во друг и помеѓу мозокот и долните мозочни центри, односно тие „комуницираат“ пораки во мозокот. Овој недостаток на миелин речиси изгледа како вистински визуелен пример за тоа како мајките буквално ги обликуваат и формираат своите деца од раѓање. Начинот на кој зборуваме, пееме, држиме и си играме со бебињата ги обликува темелите на мозокот додека детето расте.
„Мајката и детето се моќен симбол на љубовта и невиноста, убавината и плодноста. Но, јас сум научник невролог и работев на снимање на оваа слика, но јас сум и мајката во неа, свиткана во неа, заедно со мојот син. “, вели Ребека. Всушост, сликата е фасцинантна и убава визуелизација на она што останува невидливо во нашиот живот, а кое понекогаш е – најмоќното од се!
