Во лето и во есен природата изобилува со свежо овошје и зеленчук, додека зимата е ралтивно сиромашна по тоа прашање, па токму поради тоа од секогаш се подготвува зимница, односно вистински залихи на храна за да во текот на зимскиот периот можеме вкусно и разновидно да јадеме.
И покрај тоа што денес по продавниците преку целата година е достапно свежо и конзервирано овошје и зеленчук, подготовката на зимница е обичај што се продолжува и денес. За тоа сведочи фактот што секоја од над има рецепт од мама или баба за совршен џем од сливи, јагоди или за најдобрата туршија на светот.
Кога ќе дојде времето за воведување на цврста храна кај детето со навршување на шест месеци, особено ако тоа се случува во зимскиот период, родителите имаат проблем што да изберат од оскудната понуда. Поради тоа, голем број мајки се одлучуваат да подготват зимница од домашни производи кои подоцна можат да ја понудат на детето.
Има неколку начини на чување, а тоа може да биде сушење, замрзнување, конзервирање со разни засладувачи, чување во сол или во солена вода, во оцер, во масло и слично. Сепак за малите бебиња најдобро е фокусирањето на замрзнување на хрната, бидејќи тоа не бара конзерванси или зачини кои не им се даваат на толку мали деца.
Она што е најважно за подготовка на зимница е:
- Изберете здраво, зрело и цврсто овошје или зеленчук, а оштетените или полоши парчиња консумирајте ги веднаш
- Садовите и приборот што ќе ги користите мора да бидат совршено чисти.
- Ако зимницата ја чувате во тегли, тие мора да бидат стерилизирани.
- Капаци, затворачи, приклучоци, ластичиња – исто така.
- Ако користите целофан, прво мора да се натопи со алкохол.
КАКО СЕ ЧУВА ЗЕЛЕНЧУКОТ
Ако немате идеја што да правите со некој зеленчук, имајте на ум дека речиси сите видови може да се замрзнат. Со замрзнување, останува во добра состојба со најмала загуба на вредни минерални состојки и витамини.
Она што е важно при одмрзнувањето е дека еднаш одмрзната храна не смеете повторно да ја замрзнувате. Практичен совет е да ја чувате храната за замрзнување во пластични кеси или садови и тоа секој вид одделно, за да не поприми мирис од друга.
Грашок – исчистеното зрно избланширајте го 1 минута, процедете го, исушете го и ставете го во кеси, а потоа во замрзнувач. Нема потреба да бланширате млад грашок, можете да го замрзнете свеж.
Боранија – Свежата боранија би требало да биде тврда. Исчистете ја, исечете ја или оставете ја цела. Бланширајте 2 минути, потоа исцедете и складирајте ја во кеси.
Блитва – потребно е убаво да се измите секој лист одделно, да се избланшира 2-3 минути, а потоа да се исцеди и олади пред да се стави во кеси.
Спанаќ – постапката е иста како и за блитвата, а со тоа што спанаќот може пред ставењето во кеси да се иситни во блендер, и како таков ќе биде одличен за варива, пире или спанаќ со млеко.
Кељ – исечете го на помали делови, а потоа иситнете го и бланширајте го половина минута. Оладен ставете го во замрзнувач.
Карфиол – отстранете ги листовите, а потоа карфиолот поделете го на светови кои ќе ги бланширате 3 минути.
КАКО СЕ ЧУВА ОВОШЈЕТО
Слично како и со зеленчукот, најлесно за бебињата е да се замрзне овошјето, и кога ќе дојде време, полека извадете ги сите богатства од замрзнувачот и подгответе ги во каша.
Бобинки – измијте ги и отстранете ги полошите бобинки, наредете ги на рамна површина (послужавник, даска за сечење, овална чинија) за да не се допираат едни со други и оставете ги во замрзнувач неколку часа. Кога овошјето е замрзнато, можете да го истурите во вреќички или во една кеса – бидејќи секоја бобинка е специјално замрзната, нема да биде проблем да земете онолку колку што ви треба.
Јаболка – иако може да се чуваат на ладно и темно место, завиткани во весник, можете да ги чувате и измиени, исчистени и изрендани во замрзнувач.
Сливи – измијте, исушете и отстранете ги семките. Може да ги исчекате како за во каша или само да ги преполовите.
Круши – можете да ги подготвите како јаболката или како кајсиите.
Исто така, од речиси секое овошје можете да подготвите и џемови, мармалади и компоти. Приспособете ги рецептите што ги имате и кои ги подготвувате за потребите на вашето бебе (исфрлете ги цитрусите и ако е можно и шеќерот кога овошјето е доволно слатко).
