Родителите сакаат да се фалат со своите деца и нема ништо лошо во тоа, но не е невообичаено да се слушне како родителите се фалат со ситуации кои немаат врска со нивното воспитување, туку исклучиво со подготвеноста или карактерот на детето. Во такви ситуации, други родители може да помислат дека нешто не е во ред со нивните деца, доколку тие сè уште не го достигнале тоа ниво.
Детето спие цела ноќ
Некои деца спијат подобро од другите и тоа нема никаква врска со родителите или воспитувањето. Исто така, децата во одредени развојни фази спијат одлично, а тоа може брзо да се промени.
Детето одлично добро
Освен што можете да бидете трпеливи и упорни во тоа на детето да му нудите разновидна храна од ден на ден, не можете да влијаете на неговиот апетит. Пребирливите деца кои слабо јадат се болна точка за многу родители, па вашето истакнување дека детето може многу да изеде, може да вознемири некого уште повеќе, а тоа навистина нема никаква врска со вас.
Детето порано лази, стои, проодува…
Секое дете се развива со свое темпо и нема смисла да се споредуваат. Некои бебиња лазат порано, но подоцна проодуваат, некои бебиња го прескокнуваат лазењето и веднаш одат, а на некои бебиња им треба повеќе време за сè. Фактот дека детето ќе направи нешто порано не е нужно добро бидејќи понекогаш тоа може да предизвика потешкотии. Термините порано и подоцна во светот на бебињата се релативни и најдобро е да се избегнуваат.
Дете кое ништо не бара
Можеби најболна реченица за секој родител кој со детето минува низ предизвикувачки периоди е кога ќе слушне дека нечие дете не бара ништо. Што воопшто значи дека дететоо бара? Детето минува низ различни развојни фази и со нив различно се носи и справува. Нема потреба да истакнувате дека вашето бебе е поедноставно бидејќи не знаете што ве чека во следната фаза.
