Љубомората е чувство кое кај децата почнува да се јавува на возраст меѓу 12 и 18 месеци. На оваа возраст децата почнуваат да забележуваат дека другите го имаат она што тие го сакаат – без оглед дали се работи за некоја играчка, облека или внимание. Љубомората може да се манифестира низ многу различни форми – поединечно или во комбинација. На пример, низ повлекување, тага, плачење, пркос, тврдоглавост, лутење, агресија, но и низ сосема спротивно однесување: големо, претерано внимание кон “противникот“, за со тоа да се стекне корист за себе.
Прва голема можност за љубомора кај детето се појавува кога ќе добие братче или сестричка. Ова се неколку стручни совети за тоа како да го подготвите и како да постапите, за детето да не се чувствува запоставено во однос на помладото дете.
- Вклучете ги постарите деца околу негата (колку што покажуваат интерес).
- Додека бебето спие, поминете колку што можете повеќе време со постарите деца.
- Подгответе неколку ситници да ви се најдат при рака во ситуација кога вашите пријатели ке му донесат подарок само на бебето.
Откако ќе ги совладате првите години, често мислите дека сте успеале да го совладате и проблемот со љубомората. Но, тоа е далеку од вистината. Сега не само што имате љубоморно постаро дете, туку како расте, љубоморно станува и помалото дете.
Зошто постарите деца се љубоморни на помладите?
- Тој е секогаш помлад, а јас морам секогаш да бидат постар, попаметен, секогаш да попуштам, а помалиот секогаш тоа го искористува.
- Криво ми е кога некогаш родителите ќе одат нешто да му купат нему, а мене не.
Зошто помладите деца се љубоморни на постарите?
- На почеток тоа може да биде: тие секогаш добиваат нови работи, а јас неговите
- Постарите веќе имаат џепарлак и подолго време смеат да останат надвор
- Тој веќе има автомобил, а јас не смеам ни мотор
Колку и да се трудат родителите праведно да постапуваат со децата, еднакво да ги распоредуваат љубовта, вниманието, пофалбите, работите, неизвесно е како децата на тоа ќе реагираат. Тоа сепак не значи дека треба да престанете понатаму да се трудите.
