За детето е важно да биде здраво. Кога станува збор за одењето, важно е вие како родители да не брзате. Многу е важно да го оставите детето само да ги развива моторичките способности и само да го направи првиот чекор. Првите чекори на бебето никако не сакате да ги пропуштите, а всушност не станува збор за некое единствено случување. Секое дете е различно, па затоа некое дете порано ќе прооди, а некоe подоцна.
Околу 9. или 10. месец детето почнува да ползи, да се исправа со помош на разни предмети, па и да прави по некој чекор држејќи се. Меѓу 11. и 12. месец околу 90% од децата почнуваат да одат придржувајќи се за предметите околу себе. Околу 50 % од децата проодуваат самостојно до првиот роденден.
Немојте ништо да избрзувате. Кога станува збор за одењето, не смеете да го форсирате и да го присилувате да оди. Детето само ќе почне да ги прави своите први чекори.
Некои деца прво почнуваат да ползат, па потоа постепено почнуваат да се креваат и да ги прават првите чекори, а некои деца не ползат, туку веднаш проодуваат. Најдобро е да не го споредувате детето со други деца и да не кревате паника. Ако забележите дека вашето дете не ползи, не треба да се грижите. Тоа самото ќе најде начин и метода во процесот на проодување. Само оставете го и не го присилувајте.
За детето е најдобро само да ги развива своите моторички способности и тоа ќе се пушти и ќе ги направи првите чекори. Вие доволно е да бидете покрај него и да внимавате да не се повреди. Имајте трпение и водете сметка дека нивната сигурност е најважна.
