Манипулативниот родител користи различни тактики за да ги контролира, искористува или влијае на своите деца со цел да го добие она што го сака или да ги задоволи сопствените потреби, притоа не водејќи никаква сметка за нивната благосостојба. Како што објаснуваат психолозите за Parenting for Brain, манипулативната тактика на родителите може да вклучува емоционална манипулација, лаги, предизвикување вина, закани и други форми на психичко малтретирање.
Ваквото однесување може да има исклучително негативно влијание врз емоционалното здравје на детето, а во исто време може да доведе до токсична семејна динамика и проблеми во односот помеѓу детето и родителите. Имено, манипулативните мајки или татковци често кажуваат работи за да стекнат одредена контрола, влијание или да ги постигнат своите лични цели или желби.
Овие цели може да варираат од едноставни работи како што се да се натераат децата да извршуваат задолженија или да ги почитуваат семејните правила до посложени или себични цели како што се исполнување на незадоволени емоционални потреби или живеење посредно преку нив. За да го постигнат тоа, родителите користат одредени фрази за да добијат контрола, а една од нив ја користат особено често.
„Не сакам да зборувам со тебе“ е една од фразите кои често ја користат родителите склони кон емоционална манипулација, а овој тип на манипулација всушност се нарекува третман со тичина или т.н. ”silent treatment”. Психолозите објаснуваат дека ова е една од најчестите, но и најсуровата тактика на родителите емоционални манипулатори.
Имено, ваквото однесување може да ја доведе жртвата, во случајов детето, до целосно уништување на психата. Родителите прибегнуваат кон овој вид на злоупотреба и казнување со намера да го натераат детето да се чувствува лошо за нешто што го направило или не сака да го направи. Тие одбиваат да разговараат со детето, поради што се чувствуваат лошо, а токму тоа го сакаат родителите манипулатори.
