Многу родители ги воспитуваат децата по моделот на нивните родители (т.е. како што нив ги воспитувале), а многумина го прават токму спротивното за да ги избегнат грешките на нивните родители. Но, сите тие се согласуваат во истата желба: да го подигнат своето дете во среќна и самоуверена личност.
Повторувајте им ги овие фрази и научете ги на правилен начин на размислување:
- „СЕКОГАШ ДАВАЈ ГО НАЈДОБРОТО ОД СЕБЕ“
За жал, модерниот свет во главите на луѓето го всади верувањето дека ќе бидеме најсреќни ако имаме многу. Научени дека нашите деца мора да го имаат најновиот мобилен телефон, пропуштаме да ги научиме можеби на најважната лекција. Една од нив е дека човекот е најсреќен кога дава без да бара ништо за возврат. Со такви луѓе сигурно е дека секој би живеел во поубав, поздрав свет.
Научете ги децата дека давањето е многу повредно од примањето затоа што гледањето насмевка на нечие лице е многу поголема награда од што било материјално.
- „ЦЕНИ ГИ МАЛИТЕ НЕШТА“
Веројатно веќе сфативте дека на крајот од денот, вашето дете најмногу се радува на малите нешта – пеперутка на цвет, заеднички патувања и нив ќе ги памети. Негувајте ја оваа едноставност кај децата бидејќи ќе научат што е вистинска среќа и низ животот секогаш ќе знаат да застанат, да здивнат и да бидат среќни што се живи.
Научени дека нашите деца мора да го имаат најновиот мобилен телефон, пропуштаме да ги научиме можеби на најважната лекција. Една од нив е дека човекот е најсреќен кога дава без да бара ништо за возврат
- „НЕ СЕ ОТКАЖУВАЈ“
Многумина, уморни од барање и неисполнети ветувања, се откажуваат и се согласуваат на живот за кој не ни сонувале, а таквото однесување доведува до долгорочно незадоволство. Научете ги децата во животот да го бараат она што го заслужуваат, што и да е тоа се додека не е на штета на другите луѓе.
- „СЕКОГАШ БИДИ БЛАГОДАРЕН“
Без оглед на тоа што ви се случува во моментов, секогаш e добро да се потсетите дека имате покрив над главата, храна на масата и семејство. Децата треба да се потсетуваат колку се важни овие работи, да бидат благодарни и да знаат дека тоа се „големи“ работи.
- „ЉУБЕЗНОСТА Е НАЈГОЛЕМИОТ ПОДАРОК“
Нема да ве чини ништо да бидете љубезни, но за некого тоа ќе биде највредниот подарок на светот. Ако ги научиме децата да бидат љубезни и внимателни, а притоа да не го очекуваат истото од друга личност, сигурно ќе пораснат во посреќни луѓе.
