Амниоцентеза е тест кој може да ви биде понуден за време на бременоста за да проверите дали вашето бебе има генетско или хромозомско нарушување. Според NHS, оваа инвазивна процедура вклучува земање и тестирање на мал примерок клетки од плодовата вода, која го опкружува бебето во утробата.
Тестирањето се изведува со долга, тенка игла која се вметнува низ абдоминалниот ѕид и се спроведува под контрола на ултразвук. Самото испитување обично трае околу 10 минути, а повеќето пациенти го опишуваат како непријатно, но не и болно искуство
Со оглед на тоа дека носи одредени ризици, овој тест не се нуди на сите трудници, туку само на оние кои имаат поголем ризик да носат дете со одредена болест.
Причините можат да бидат следниве:
- антенатален скрининг тест кој сугерира дека бебето може да се роди со состојба како Даунов синдром, Едвардсов синдром или Патауов синдром,
- претходна бременост погодена од генетско заболување,
- семејна историја на генетски болести како што се српеста анемија, бета таласемија, цистична фиброза или мускулна дистрофија.
Амниоцентезата обично се прави помеѓу 15. и 20. недела од бременоста, но по потреба можете да ја направите и подоцна. Може да се направи и пред 15. недела од бременоста, но во овој случај постои зголемен ризик од компликации и најчесто се избегнува.
Тестирањето се изведува со долга, тенка игла која се вметнува низ абдоминалниот ѕид и се спроведува под контрола на ултразвук. Самото испитување обично трае околу 10 минути, а повеќето пациенти го опишуваат како непријатно, но не и болно искуство.
