Поради социјалните мрежи, голем број мајки имаат целосно нереални очекувања и се трудат да трчаат по совршенство. Во тоа честопати се губат и збунуваат, па почнуваат себе си да се обвинуваат бидејќи не прават се совршено како што тоа се сервира помеѓу популарните мајки.
Често поради следењето на туѓиот ‘совршен’ живот се чувствуваме лошо, па тие други мајки, иако немаат лоша намера, доведуваат до тоа да ние себеси како родител се осудуваме.
Многу е важно да знаете – Не сте лоша мајка ако:
Ако детето ви е пребирливо
Некои деца едноставно сакаат да избираат и одбиваат одредена храна. Ова е нормално и не значи дека грешите. Постојат начини да се обидете да работите со детето и да ги вклучите во исхраната оние намирници што тоа ги одбива.
Ако сте нарачале храна, сте избрале нездрав оброк, сте дале грицки
Не е лесно секојдневно да се мисли за готвење и да се има време за се, особено покрај безбројните обврски во домот. Ако се трудите да се храните колку што можете подобро, еден помалку квалитетен оброк нема да му наштети на вашето дете.
Ако сте вработена мајка. Или ако сте невработена мајка
Луѓето сакаат да ја осудуваат другата страна. На некои им пречи кога мајката работи, па не е со децата по цел ден, додека други замеруваат ако е невработена. Не размислувајте за тоа, туку правете онака како што најмногу вам и на вашето семејство ви одговара.
Ако детето ви е тврдоглаво
Сите мислат дека многу лесно ќе го воспитаат детето и ќе го научат да биде послушно. Некои деца умеат да бидат тврдоглави и сосема е во ред ако и вашето е такво. На вас е да забележите и да работите на тоа, да поставите правила и да го научите детето да ве слуша. Поради тоа, не сте лош родител.
Ако се ви е преку глава
Лошите денови се нормална работа. Секој во некој момент има лош ден, па често и нагло реагира, кога децата се немирни, кога не се согласува со партнерот, има проблем на работа, поради замор или ненаспаност. Тоа е нормално и тоа не ве прави лош родител. Всушност, токму во тие ситуации кога имате лош ден, можете да го научите детето дека сите имаме емоции и дека е во ред да се покажат, бидејќи ќе поминат.
Ако домот ви е во хаос
Кога имате деца, куќата едноставно не може да биде совршена, без разлика колку се трудите. Оставете ги децата да си играат, а вие опуштете се. Не е важно дали домот е во совршен ред, туку дали децата се среќни, а семејството е исполнето.
Ако ви треба пауза
Секој од нас мора во одреден момент да застане, да седне, да се одмори. Посебно после напорен ден полн со обврски, а секоја мама знае како е тоа. Нормално е дека ви треба одмор. Не мора секоја секунда токму вие да бидете покрај детето. Дозволете си да се одморите.
Ако ви е потребна помош за менталното здравје
Ова е многу важно! Не осудувајте се себеси доколку ви е потребна помош и ако психички не се чувствувате добро. Ако ви е потребен лек, не се срамете од тоа. Затоа сте подобар родител на вашите деца.
