Кога последен пат сте почувствувале здодевност? Онаа вистинска, помалку фрустрирачка здодевност, а да во истиот момент не сте ја потиснале со некоја музика, задача или телефонски повик. Речиси и сме заборавиле како е тоа да ни е здодевно, иако здодевноста е најдобрата состојба за развој на нови идеи, полнење на батериите и контемплација.
Здодевноста им ја одземаме и на сопствените деца така што постојано се трудиме да ги забавуваме, ангажираме и преоптоваруваме со активности, а им ја одземаме и на бебињата. Неструктуираното време е потребно на сите нас, а на бебињата здодевноста им носи многу придобивки.
Здодевноста буди креативност
Исклучително е важно на бебето да му се даде време за тишина и самостојна игра, дури и кога ви се чини дека тоа не е ниту малку продуктивно, објаснува д-р Роберт Хамилтон.
Тоа им овозможува да ги впијат сите доживувања од тој ден и самостојно да ја откриваат околината, без препреки.
Децата кои се досадуваат, ја активираат својаѕта креативност. Кога не знаат што би правеле сами со себе, почнуваат да забележуваат занимливости во својата околина и да размислуваат надвор од рамките. Истото важи и за возрасните и за бебињата.
Д-р Хамилтон вели дека здодевноста е ментално ѓубриво кое за нашиот мозок претставува она што за мускулите претставува вежбањето. Тој го осудува поривот на родителите да секој момент од детскиот живот, па и животот на бебето, сакаат да го исполнат со некоја надворешна стимулација, игра, активност или електронска стимулација.
Убавината на секојдневниот живот
Она што децата и бебињата најмногу ги исполнува и развеселува се секојдневните активности што ги споделуваме со нив. Вклучувањето на децата во семејните рутини и фокусирањето на малите чуда што се кријат во нашата околина, славењето на убавината на секојдневните, обични моменти е најдоброто што можеме да им го дадеме на децата во нивните години на формирање.
Треба да ги изложиме децата на досада, да им покажеме како да живеат вистински живот кој е исткаен и од возбудливи и од обични моменти. Вклучувајќи ги децата во сите аспекти од животот, не само во атрактивните, им даваме можност да станат полигон за откривање на разни интересни работи.
