На почетокот, бебето е целосно зависно од вас за да стигнете од точка А до точка Б, а додека се свртите, малите раце и стапала веќе почнале се движат по подот – вашето дете лази во сите правци. Лазењето е возбудлива пресвртница, но некои бебиња целосно го прескокнуваат. Што значи кога бебињата го прескокнуваат лазење и веднаш почнуваат да одат?
Некои бебиња едноставно никогаш не почнуваат да лазат. Педијатарот Џина Познер од Калифорнија вели: “Децата кои го прескокнуваат ползењето обично ќе најдат некој друг начин да се движат пред да проодат. Секое дете различно ги развива своите моторни вештини“.
“Тоа обично значи дека откриле како да воспостават рамнотежа и да одат, и прескокнале една развојна пресвртница, но напредувале во друга“, смета педијатарот Данел Фишер.
Иако ползењето изгледа како природен чекор пред одење, на некои мали деца едноставно не им се допаѓа чувството на притисок на колената или само ги интересира одењето.
Претходните теории за моторниот развој тврдат дека детето може да има развојни проблеми ако го прескокне лазењето. Но, и Данел Фишер и Џина Познер сметаат дека тоа не е вистина. Познер вели дека ова е застарена теорија и дека има многу деца кои немаат проблеми во развојот, а кои никогаш не ползеле.
Значи, додека некои деца веднаш почнуваат да одат и ја прескокнуваат фазата на лазење, тоа не укажува на ништо друго освен дека некои деца го прават она што го сакаат. Како и со сите развојни пресвртници, и кај ползењето и кај одењето, сè е индивидуално.
