Иако во почетокот на 2021 година се чинеше дека конечно оваа година би можеле да се вратиме во нормала поради вакцината, сепак, тоа не се случи. Голем број луѓе одбиваат да се вакцинираат, а се појави и многу позаразната делта варијанта. И покрај тоа, луѓето се обидуваат да водат нормален живот, и тоа вклучува различни активности на различни локации.
- Некои од нив се поризични од другите – во продолжение листа на места на кои најлесно може да се инфицирате со коронавирусот.
Теретани и фитнес центри
„Многу е поверојатно дека ќе го соберете коронавирусот во теретана каде што не се носат маски за време на тренингот“, вели д-р Роберт Г. Лахита. Имено, многу повеќе честички се ослободуваат во воздухот бидејќи во теретаната се дише длабоко, се издишува, луѓето се потат. Ако веќе одите во теретана, експертите ве советуваат да ја посетите онаа во која примаат само вакцинирани лица.
Јога
Ако одите на групни часови по јога каде што не се носат маски, овие простори стануваат и места каде што е лесно да се заразите, бидејќи таму многу луѓе се потат и дишат во мал простор.
Додека патувате (со автобус, авион или јавен превоз)
Без разлика дали патувате на работа или извршувате обврски, јавниот превоз е нужно зло ако немате автомобил. За жал, возилата за јавен превоз не се безбедни за време на пандемија. „Патувањето со јавен превоз исто така го зголемува ризикот од инфекција со коронавирус, само затоа што сте во многу мал простор со многу луѓе“, вели д-р Вивек Черијан.
Тој додава дека кога сте во авион, каде што носите маска, сте безбедни бидејќи тие го филтрираат воздухот преку ХЕПА филтри, но сеедно не сте 100% заштитени затоа што пред да се качите во авионот треба да поминете низ аеродромот и да бидете во близина на многу луѓе.
Ресторани
Рестораните се ризични затоа што не носиме маски додека јадеме и пиеме. Ризикот од инфекција е поголем ако се работи за мал простор со слаба вентилација. Ако, покрај тоа, музиката е гласна, зборуваме погласно, и со тоа е поголема и количината на аеросоли што завршува во воздухот.
Базен или плажа
Многу луѓе се собираат на плажите или околу базените, и иако ова се локации кои се на отворено, бројката на луѓе го зголемува и ризикот од инфекција.
Спортски настани
И тука има многу луѓе, кои често викаат и навиваат, и така аеросолите се шират посилно. Натпреварите се место на масовна инфекција токму поради ова и големиот број на луѓе.
Свадби
Дури и со почитување на мерките и тестирање и Ковид потврда, венчавките се жаришта. Особено ако се одржуваат во затворени простории. Малкумина обрнуваат внимание на растојанието и носењето маска кога се забавуваат и кога консумираат алкохол.
Кина
Кината се опасни затоа што многу луѓе се наоѓаат во мал простор, а вентилацијата е често слаба. Покрај тоа, некои филмови траат со часови, па со други луѓе сте заедно многу долго.
Верски објекти
„Верските центри се места на масовна инфекција, кога ќе се земе предвид колку луѓе престојуваат таму и колку долго, па инфекцијата е тешко да се спречи дури и со сите мерки“, вели д-р Катерина Шкоџик. Таа напоменува дека секако треба да носите маска и да држиме дистанца кога ја посетувате црквата и другите верски објекти.
Хотели
Иако постојано се дезинфицираат и чистат, циркулацијата на луѓе е многу голема и тешко е да се заштитите од инфекција, пишува „Eat this“.
