![pametni-telefoni (1)](https://pedijatar.mk/wp-content/uploads/2024/07/pametni-telefoni-1-696x392.jpg)
Родителите ширум светот дебатираат за тоа кога да им дадат паметни телефони на своите деца. Имено, има се повеќе докази дека ваквите уреди можат да имаат негативни ефекти врз менталното здравје на децата.
Истражувањата покажуваат дека менталното здравје на младите било полошо откако го добиле својот прв паметен телефон, според студијата на Sapien Labs објавена минатата година, во која користеле податоци од 27.969 млади на возраст од 18 до 24 години од 41 земја.
Околу 74 отсто од девојчињата кои го добиле својот прв паметен телефон на шестгодишна возраст рекле дека се чувствуваат вознемирено или дека им е тешко, покажало истражувањето. Тоа се намалило на 52 % за оние кои го добиле својот прв паметен телефон на 15-годишна возраст.
42 % од момчињата кои го добиле својот прв смартфон на 6-годишна возраст почувствувале тага или проблеми, а тоа опаднало на 36 % кај оние кои добиле паметен телефон на 18-годишна возраст.
Средното училиште е клучно
Паметните телефони станаа битен дел од секојдневниот живот, а многу родители сакаат да им дадат уреди на своите деца за да можат да ја следат нивната локација и да останат во контакт со нив кога ќе излезат од дома. Но, кога е вистинското време за тој чекор?
Научникот од Универзитетот во Њујорк, Зак Рауш, вели дека е важно паметните телефони да се држат подалеку од децата кои се на предтинејџерска возраст.
„Мојот предлог е да се одложат паметните телефони до средното училиште, околу 14-годишна возраст“, рече Рауш во интервју за CNBC.
Што се однесува до социјалните мрежи, тој смета дека децата не треба да имаат пристап до нив додека не наполнат 16 години. „Би било идеално телефоните да бидат забранети во градинките и основните училишта“, истакна тој.