Дека чуда се случуваат и животот не може да чека, докажала вчера наутро Марина Кулунџиќ (31) од Белград. Таа овој ден ќе го помни цел живот, оти на свет донела здраво момче, но не онака како што било планирано. Наместо во болница, Марина се породила во автомобил на паркинг.
Сцената како на филм, се одиграла пред една зграда во белградската населба Лабудово брдо, а во во главната улога ја имал нејзиниот сопруг Милан Кулунџиќ (40) кој херојски ја породил својата жена.
“Како родители на две деца бевме подготвени за најрадосното случување. Марина требаше да се породи за неколку дена. Но, изгледа на нашиот син му се брзало. Кога утрото болките изненадно почнаа, влеговме во автомобилот со надеж дека што побрзо ќе стигнеме во болница, но нашето момче не сакаше да чека. Марина почна да се пораѓа во автомобилот и тогаш веќе не можев да размислувам, ги направив она што морав. Ја породив својата жена“, раскажал за српските медиуми Милан.
“Веќе два пати сум присуствувал на продување и по сеќавање го правев она што сум го видел како акушерките го прават, ми беше единствено важни да г фатам детето убаво. За среќа, се помина како што треба“, додава Милан.
Брзата помош стигнала навреме да ја пресече папочната врвца, а мајката и бебето во добра состојба биле пренесени во болница.
Исцрпената мајка Марина рекла дека вакво нешто ниту во сон не можела да замисли, но дека е исклучително горда на својот сопруг и среќна што во вакви чудни околности родила здрав син.
“Кога почна породувањето бев исплашена како се ќе се заврши. За среќа, мојот херој се однесуваше како вистински лекар и на свет донесовме живо и здраво бебе. Сега сме во болница, нашиот син Јован е главна ѕвезда“, вели насмеаната и храбра мајка Марина.
