За некои рани симптоми на бременост сите знаеме – отсуство на менструација, гадење, повраќање, тие лесно нè наведуваат да се посомневаме дека можеби е така и да посегнеме по тест за бременост.
Меѓутоа, на самиот почеток на бременоста може да се појават некои поневообичаени симптоми, кои многумина на почетокот не би ги поврзале со зачнување.
1. Секрет во рана бременост
Иако секрет не е ништо невообичаено за повеќето жени, тој генерално не се поврзува со бременост. Меѓутоа, повеќето трудници во првиот триместар, а подоцна и во текот на брменоста, генерално имаат секрет кој е леплив, белузлав или светло жолт.
Зголеменото ниво на хормони и протокот на крв во вагината доведува до зголемување на секретот за време на бременоста, а тоа може да помогне и во спречување на некои инфекции.
Иако секретот е честа појава за време на бременоста, доколку забележите исцедок кој има мирис, жолто-зелен е подобар, многу е леплив или течен, чувствувате печење или чешање, задолжително пријавете го кај вашиот лекар бидејќи може да укажува на инфекција.
2. Зголемена базална температура
Кога ќе се разбудите наутро по овулацијата, вашата телесна температура е малку покачена и таа останува така до следната менструација. Но, ако оваа температура, позната како базална телесна температура, остане покачена повеќе од две недели, тоа може да биде ран симптом на бременост.
3. Главоболки, грчеви, често мокрење
Зголемувањето на хормоните и волуменот на крвта за време на бременоста доведува до главоболки. Некои жени исто така доживуваат грчеви во стомакот слични на она што го чувствуваат за време на менструацијата. Освен тоа, многу трудници почесто уринираат, а причината за тоа е што матката која расте врши притисок врз мочниот меур.
4. „Магла“ во главата
Не е невообичаено трудниците да чувствуваат вртоглавица или чувство на магла во главата во првиот триместар. За време на бременоста доаѓа до пад на крвниот притисок и проширување на крвните садови, поради што трудниците може да се чувствуваат како да ќе се онесвестат при ненадејна промена на положбата на телото, како на пример ненадејно станување од лежечка положба.
Сепак, внимавајте на симптомите бидејќи силната вртоглавица во комбинација со вагинално крварење и силни болки во стомакот може да укажуваат на ектопична бременост, која може да биде опасна и да бара лекарска помош.
5. Запек
Многу трудници се чувствуваат подуени, како да имаат потреба да испуштат гасови, но не можат. Причината за тоа се големите хормонални промени кои можат да доведат до запек. Покрај тоа, како што расте матката за време на бременоста, цревата исто така се движат, што исто така може да влијае на регуларноста на столицата.
Некои витамини, како што е железото, може да предизвикаат запек, а дигестивниот систем работи побавно за време на бременоста, така што има доволно време хранливите материи да стигнат до бебето преку крвотокот.
Меѓутоа, некои чекори како што се конзумирање повеќе влакна, пиење доволно вода и редовна физичка активност (ако вашиот лекар и вашата состојба дозволуваат) можат малку да помогнат во ублажување на запек.
