Кога сакате да зачнете бебе, првото нешто на што обрнувате внимание е овулацијата бидејќи логично, шансите за забременување се поголеми ако знаете кога ви се плодните денови.
Телото може да испраќа многу различни знаци кои укажуваат на овулација, а вреди да се знае дека болните гради или некои други промени на градите исто така може да укажуваат на овулација.
Градите, а особено брадавиците, можат да бидат чувствителни и болни за време на овулацијата поради хормоналните промени што се случуваат кога јајце клетката се ослободува од јајниците. Колку ќе бидат изразени овие симптоми е индивидуална работа.
Многу жени чувствуваат одреден степен на болка во градите за време на овулацијата, што всушност укажува на зголемување на естрогенот во телото и знак дека телото тогаш е во најплодните денови. Меѓутоа, доколку не дојде до овулација (тоа е ановулација), хормоналната нерамнотежа помеѓу прогестеронот и естрогенот може да предизвика и болни гради, пишува motherandbaby.com.
“Болката во градите во средината на менструалниот циклус често се поврзува со овулација. Оваа болка е поврзана со хормонални промени во оваа фаза. Зголемувањето на естрогенот е проследено со намалување на нивото на прогестерон и тоа може да предизвика чувствителност или болни гради”, вели гинеколог д-р Амит Ша.
Овој тип на болка е обично циклична, што значи дека се повторува во исто време во текот на секој циклус.
