Летото е во полн ек, а со тоа и сезоната на совршено благи и сочни лубеници. Покрај бројните летни намирници кои можат да не освежат и да ни обезбедат нутритивно богатство, лубеницата е една од најпопуларните поради мирисот и вкусот.
Ова вкусно овошје има околу 92 отсто вода. Лубеницата е уникатна затоа што се смета и за овошје и за зеленчук, иако во пракса најчесто ја вбројуваме во овошје. Не само што е многу вкусна, туку нуди и бројни придобивки за здравјето и убавината.
И покрај неверојатните придобивки, јадењето лубеница во големи количини всушност може да му наштети на вашиот организам
Лубеницата не содржи маснотии и е одличен извор на витамини А, Б6 и Ц, содржи калиум и корисни растителни хемикалии како ликопен и цитрулин.
Содржината на влакна ја прави лубеницата неверојатна намирница за слабеење. Ова овошје е познато по своите многу добри ефекти врз здравјето, но кога не се консумира во големи количини.
Експертите велат дека консумирањето премногу лубеница има многу несакани ефекти
И покрај неверојатните придобивки, јадењето лубеница во големи количини всушност може да му наштети на вашето тело.
Лубеницата е одличен извор на вода и подеднакво добар извор на диетални влакна. Сепак, консумирањето големи количини може да доведе до дигестивни проблеми како што се дијареја, надуеност и гасови. Содржи сорбитол, кој е соединение на шеќер што поттикнува течна столица и проблеми со гасови. Друга честа причина за ваквите проблеми е содржината на ликопен, пигментиран антиоксидант кој и ја дава бојата на лубеницата.
Ако сте дијабетичар, голема е веројатноста дека премногу лубеница може значително да го зголеми нивото на шеќер во крвта. Иако е здрава, има висок гликемиски индекс, дури 72.
Јадењето лубеница не е лошо, но прекумерното јадење може да биде нездраво, дури и ако станува збор за нешто здраво како што е лубеницата
Луѓето кои редовно пијат алкохол треба да избегнуваат големи количини на лубеница бидејќи високото ниво на ликопен може да реагира со алкохолот и дополнително да предизвика воспаление на црниот дроб. Прекумерниот оксидативен стрес на црниот дроб може да биде штетен.
Труење со вода или прекумерна хидратација е состојба кога вашето тело има вишок вода во него, што доведува до губење на содржината на натриум. Консумирањето поголема количина лубеница може да го зголеми нивото на водата во вашето тело. Доколку вишокот вода не се излачува, тоа може да доведе до зголемување на волуменот на крвта, што дополнително предизвикува отекување на нозете, исцрпеност, но и оптоварување на бубрезите. Исто така, може да доведе до губење на нивото на натриум во телото.
Познато е дека лубеницата е одличен извор на калиум, кој е витална хранлива материја со бројни улоги во одржувањето на здравјето на телото. Помага во одржување на функцијата на електролитите, го одржува нашето срце здраво и ги прави нашите коски и мускули посилни. Сепак, премногу калиум може да доведе до кардиоваскуларни проблеми како што се неправилно чукање на срцето или слаб пулс.
Колку лубеница може да се јаде дневно?
Според нутриционистот и физиолог Ритеш Баври, „100 г лубеница има околу 30 калории. Со оглед на тоа дека најголемиот дел од нејзината содржина е вода, лесно е да се изеде дури и 500 грама, што значи дека штотуку сте изеле 150 калории. Бидејќи е лесна за стомакот, можеби нема да се чувствувате сити, што ќе ве натера да јадете повеќе отколку што треба, а после тоа би можеле да посегнете по друга храна бидејќи лубеницата не ви била доволна“.
Тој додава дека лубеницата содржи шест грама шеќер на 100 грама, така што 500 грама лубеница на крајот би ви дале 30 грама шеќер. Идеално е за повеќето луѓе да јадат помеѓу 100 и 150 грама шеќер дневно од сите намирници заедно. Шеќерот од лубеница ви ја зголемува оваа бројка“.
Јадењето лубеница не е лошо, но прекумерното јадење може да биде нездраво, дури и ако станува збор за нешто здраво како што е лубеницата.
