Новороденче во Виетнам е фотографирано како ја држи стегнато во раката контрацептивната спирала, која неговата мајка ја користела во неуспешен обид да го спречи забременувањето.
Триесет и четиригодишната мајка на момчето, која претходно има уште две деца, ја вметнала интраутерината направа пред две години. Спиралата излегла во исто време со бебето, односно момент откако се родило, новороденчето ја зграпчило, пренесува VN Express.
Фотографиите кои ги направил акушерот Тран Виет Фуонг од „Hai Phong International Hospital“ во Виетнам, го покажуваат новороденчето како го држи уредот.
„По породувањето, си помислив дека е интересно што го држи уредот, па затоа сликав. Никогаш не помислив дека ќе привлече толку големо внимание“, изјави Фуонг.
Тој исто така рече дека спиралата не успеала да ја спречи бременоста бидејќи најверојатно била поместена од првобитната позиција. Две од фотографиите, кои беа објавени на ФБ страницата на болницата, го прикажуваат бебето со затворени очи додека ја држи спиралата, додека на третата, може да се види како лежи покрај уредот.
