Пред да започне породувањето, телото на мајката се подготвува и со набљудување на промените што се случуваат, можете да претпоставите дека се ближи големиот ден на доаѓањето на бебето. И знаеме и за физички знаци како спуштање на стомакот, пукање на водењакот, отворање на грлото на матката, болки во долниот дел на грбот, но постојат и промени во однесувањето, зад кои може да стои мајчинската интуиција или некое „ чувство“… Може да доживеете и некои емоции, како што е возбуда или некое исчекување.
Многу мајки споменале атипични симптоми на различни форуми, а еве како ги опишале.
Смирување
Ако вообичаено сте малку позборливи, има мајки кои молчеле ден или два пред породувањето, како нивната интуиција да им кажува да штедат енергија за она што им претстои.
„Во текот на денот бев многу тивка и се чувствував добро, прилично смиерно. Ме болеше малку грбот, но тоа е се. Не очекував дека следното утро ќе легнам и ќе се разбудам со бебе во раце“, вели една мајка за своето искуство.
Зборливост
За разлика од претходната мајка, некои велат дека пред да се породат чувствувале потреба постојано да зборуваат.
„Бев многу уморна, но кога отидов да спијам, едноставно не можев да заспијам. Ме обзеде чудна возбуда. Морав да останам будна. Не му дозволив на сопругот да спие, туку постојано нешто зборував. Дури утрото почувствував како ми пукна водењакот. Како нешто да ми кажуваше дека морам да останам будна затоа што ќе треба да одам во болница“, вели друга мајка.
Поспаност
Но, некои мајки можат да спијат како „топови“. Веројатно нивното тело бара одмор пред напорното породување. Еве што доживеала една мајка.
„Имав прекрасно утро, уживав, разговарав со пријателките, а потоа почувствував силна потреба да си легнам и да спијам иако беше само 1 попладне. Успеав да спијам 4 часа, а кога се разбудив, еден час подоцна, почна породувањето“, открила мајката.
