![IGRACKA](https://pedijatar.mk/wp-content/uploads/2018/11/IGRACKA-696x464.jpg)
Ако сте почнале да се грижите дека вашето дете упорно не се одвојува од омилената играчка – опуштете се. Стручњаците велат дека тоа е нормална појава.
„Најчесто се случува околу втората година, кога децата, заради развојот на предлогичното мислење, се врзуваат со одредени предмети и чувствуваат дека мораат со себе секогаш да имаат некоја лична работа„ вели педагогот Енди Меквин.
На тој начин, додава педагогот, малите деца се развиваат, покажуваат дека учат да воспоставуваат емоционална блискост со некого. Во овој случај, тоа се играчките или ќебенцето, но тоа е предуслов за натамошниот развој на емоционалната интелегенција.
Меквин вели дека родителите не треба на децата да им ја земаат омилената кукла и на сила да ги одвојуваат од неа, бидејќи со тоа ќе го нарушат чувството на сигурност кај децата. Дури до петтата, шестата година, сосема е во ред да одат секаде со својата омилена играчка.