Сигурно сте виделе автомобили на кои на задното стакло е залепена налепница „Baby in the car“ – Бебе во автомобилот или можеби варијации со име – „Лена е во автомобилот“, „Никола е во автомобилот“…
Можеби и вие самите сте ставиле ваква налепница на вашиот автомобил, сакајќи да ги известите другите возачи да бидат повнимателни и да држат растојание. Ако сте мислеле дека оваа налепница за тоа служи, не сте единствените – повеќето луѓе мислат така, а еден експерт за мотоспорт ја открива вистинската намена, која изненади многумина.
Овој британски експерт сподели објаснување: „Дали погрешно го користите знакот „бебе во автомобил“?
„Дали е тука да каже ‘имам бебе во автомобилот, па можеби сум малку деконцентриран’?. Не е таму за тоа. Тоа е знак за итната помош. Ако наидат на удрен автомобил, некој кој е во бесознание во автомобилот, ако автомобилот некаде се превртел, тоа е знак да мораат да останат на местото на несреќата да го пронајдат бебето кое било во автомобилот. Тоа е целта на овој знак“, објаснува тој.
Изненадени сте? Повеќето се, судејќи по коментарите, каде што сите ја пишуваат речиси истата работа. „Секогаш мислев дека тоа служи за да ги предупредам другите возачи да не возат премногу блиску бидејќи во автомобилот има бебе“, „Мислев дека е апел до другите возачи да возат безбедно“, „Мислев дека е наменето за другите возачи, да бидам повнимателен, но тоа што го кажуваш има смисла“, продолжуваат коментарите.
Други, пак, мислеле дека тоа е општо познато, па така се јавил и еден болничар од Брза помош. „Работам во итна помош, ми се крши срцето секој пат кога ќе ја видам таа налепница на автомобил вклучен во сообраќајна несреќа, особено кога избезумено бараме дете, а потоа излегува дека бебето е совршено добро, дома со некој друг“.
