Ако вашето дете наскоро треба да тргне на училиште, „тест“ на невропсихолог може да ви помогне дома да процените дали вашето дете е подготвено.
Пред да тргнат на училиште, идните првачиња поминуваат тестирање на кое не само што се оценува нивната интелигенција, туку и дали се зрели и подготвени за училиште.
Родителите често мислат дека е подобро децата да знаат што е можно повеќе пред да тргнат на училиште, дека ќе им биде полесно, но експертите истакнуваат дека тоа не е баш така, бидејќи тогаш на децата кои знаат многу однапред , им станува здодевно на училиште.
Според невропсихологот Елеба Глебова, знаењето не е важно за успешен почеток на школувањето, туку ставот на ученикот, неговата способност да ги „заузда“ своите потреби, желби, импулси и да ги следи инструкциите.
Се разбира, кај детето тоа се развива со текот на времето, а неговиот нервен систем созрева преку процесите на инхибиција – на пример, детето сака да игра, но мора да ја одложи својата желба бидејќи почнува час.
Како што објаснува невропсихологот Глебова, кога наставникот им кажува на децата да ја отворат книгата на страница 25 и да го најдат третиот пасус, има повеќе упатства што треба да ги следат. Прво, детето треба да го слуша наставникот, да запомни што треба да прави, потоа да ги следи упатствата и да го најде она што му треба. Сето тоа е сериозна работа за мозокот, кој созрева околу седмата година, за да може детето да следи некои посложени инструкции и да го одложи исполнувањето на неговите желби, што е потребно за училиштето.
Како да проверите дали детето е подготвено за училиште
Најлесен начин да проверите дали детето е доволно зрело да следи инструкции е преку играње друштвени игри. Обрнете внимание на тоа колку се сложени правилата на некои друштвени игри и дали детето ги следи.
Невропсихологот Глебова истакнува дека помалите деца, кога губат, патем ги менуваат правилата на игра: „Ќе одам овде, сакам да играме по мои правила“. Ова е знак на незрелост, што е сосема нормално за помлада возраст.
Дете кое е подготвено за училиште ги прифаќа и почитува правилата, го прифаќа поразот. Исто така, Глебова вели дека е важно и да ако детето си игра самостојно, тоа ја иницира играта – ова е знак на подготвеност за училиште.
