Секој родител знае дека доенчето плаче главно поради две причини: кога треба да се нарани или кога е потребно да му се смени пелената. Но, бебиањата имаат различен темперамент – некои имаат тенденција многу да плачат, додека други бебиња не се толку плачливи.
Според последните мета-анализи, студија објавена во списанието The Journal of Pediatrics, бебињата во Велика Британија, Канада и Италија, плачат повеќе од бебињата во другите земји, додека оние од Данска, Германија и Јапонија најмалку плачат. Ова е првиот универзален графикон кој покажува типична дневна должина на плачот на бебето во текот на првите три месеци од животот.
Истражувачите од Универзитетот во Варвик, анализирале 8.700 бебиња и откриле дека во просек плачат околу два часа дневно во првите две недели. Пикот на плачот е во шестата недела, и трае околу два два часа и 15 минути дневно, но се спушта на просечно еден час и 10 минути, кога бебето ќе наполни 12 недели. Но, студијата открила и дека има новороденчиња кои плачат само половина час, додека постојат и некои кои плачат и над пет часа во текот на денот.
“Бебињата уште во првите недели од животот се разликуваат по тоа колку плачат. Може повеќе да се дознае, проучувајќи ги општествата во кои бебињата помалку плачат, и тоа дали се работи за начин на кој родителите постапуваат или други фактори поврзани со бременоста и со генетиката“, изјавил Дитер Волкер, водач на истражувањето.
