Младите мајки се среќаваат со низа предизвици, од тоа да поднесуваат непријатни коментари ако излезе во јавност одговарајќи на барање на детето преку тоа дека можеле да се дотераат, до тоа да попреку ги гледаат ако посакаат некоја минута време за себе. Не дозволувајте да се наведете да им се извинувате на луѓето поради работи кои се сосема нормални и природни и поради кои никогаш и никому не треба да се извинувате.
- Поради начинот на кој го храните бебето
Никој нема право да ви кажува како треба да го храните вашето бебе, така што никому не должите извинување оти го доите на јавно место или можеби затоа што не го доите, туку го хранитемлечна формула. Тоа е само ваша проценка и одлука во која никој нема право да се меша.
- Поради тоа што немате многу пари
Не мора да бидете богати за да можете добро да воспитувате и пораснете дете. Но, кога ќе зачкрипи со пари, може да почне да ве прогонува чувството дека не им пружате доволно на своите деца. Воопшто не е така бидејќи сè што им треба на вашите деца од вас е љубов и внимание. Ако успеете некако да ги покриете трошоците за облека, храна и училишен прибор, не се чувствувајте како лош родител затоа што не можете да им дозволите повеќе играчки, годишни одмори или некои други возбудливи нови искуства.
- Поради тоа што ви треба малку повеќе време за себе
Кога ќе се породите, може да почнете да чувствувате потреба да поминувате 24 часа дневно со вашето бебе, седум дена во неделата. И, ако некогаш почувствувате потреба за малку време сами, можно е да почувствувате грижа на совест, како поради тоа да сте лоша мајка. Уште повеќе, ако некој ве прекори и каже нешто како „Ако сакаше да се забавуваш, не треба да имаш деца“ и слично. Тоа не е точно. На секој човек повремено му треба малку време за себе, да биде сам или да го помине со некоја друга блиска личност. Вие имате право да го сторите тоа и тоа е најдобриот начин да ги „наполните батериите“.
- Поради тоа што вашиот дом е неуреден
Ако подот е полн со детски играчки, мијалникот е полн со неизмиени садови, а на каучот има купишта неиспеглани алишта, тоа не значи дека одеднаш сте станале неуредна и лоша личност. Грижата за децата е работа со полно работно време и не обвинувајте се себеси дека не сте пронашле доволно време или немате енергија да одржите сè на исто ниво на чистота како што успеавале пред да станете мајка. Впрочем, дури и ако сте средиле сè, вашите деца веројатно повторно ќе направат хаос за неколку минути. Но, децата се такви и не мора никому да се извинувате за тоа.
- Поради тоа како изгледате
Никому не сте должни секогаш да изгледате совршено дотерано. Без разлика дали вашата коса е малку разбушавена или постојано носите исти неколку работи, никој нема право да коментира за вашиот изглед. И не мора да бидете под притисок да го вратите вашето тело во иста форма како пред бременоста. Бидете благодарни на вашето тело што ги донело вашите деца на свет.
- Поради тоа што не сте секогаш среќни и весели
Целодневната грижа за детето или за децата може да биде физички и психички исцрпувачка и можно е понекогаш да се чувствувате беспомошно и очајно. Да се биде мајка е исклучително тешка работа и сосема е во ред да не биде секогаш во ред.
- Поради тоа што ви е потребна помош
Можеби мислите дека како родител треба да бидете во можност самостојно да се грижите за своите деца, а потоа да се чувствувате како лош родител ако побарате совет или помш од некој, на пример да ви го причува детето. Но, нема ништо лошо во тоа и не значи дека сте слаби или неспособни. Важно е само да го сакате најдоброто за вашето дете.
- Поради начинот на кој сте се породиле
Само вие можете да одлучите што е најдобро за вас, каде и како сакате да раѓате. Можно е самопрогласени експерти околу вас да ви кажат дека вашата одлука е погрешна како да знаат кој е единствениот правилен начин да се донесе дете на светот. Но, тоа не е нивен избор или нивен живот, туку ваш. Значи нема извинување.
- Затоа што не можете да присуствувате на сите случувања
Кога ќе станете родител, вашиот распоред радикално се менува, но за вашите пријатели сè останува исто и тие ќе продолжат да ве канат да им се придружите на излегувања и собирања. Ако сте зафатени со децата или сакате малку сами да се опуштите дома, не мора да се извинувате за тоа секогаш кога нема да прифатите поканата на пријател. Впрочем, вашите пријатели ве сакаат и се грижат за вас, па затоа треба да се претпостави дека тие ќе разберат дека имате некои различни потреби во овој период од животот.
