Норовирус е високозаразен вирус кој се шири преку контаминирана храна или вода. Најчесто, луѓето се заразуваат со пиење загадена вода или јадење храна обработена со вода загадена со норовирус (надвор, дома, во ресторан итн.). Инфекцијата е можна и ако храната или водата дојдат во контакт со траги од секрет на рацете на носителот на вирусот.
Норовирусот може да преживее долго време надвор од човечкиот домаќин. Може да преживее со недели на тврди и меки површини, со месеци, можеби дури и со години во контаминирана мирна вода
Вирусот обично се шири преку фекално-орален пат, а може да се пренесе и преку воздухот (откако заразеното лице ќе поврати), а не само преку контаминирани површини. Норовирусот предизвикува годишно околу 685 милиони случаи на болеста и 200.000 смртни случаи ширум светот.
Симптоми
Како и кај повеќето случаи на труење со храна, симптомите вклучуваат гадење, повраќање, грчеви во стомакот и дијареја. По правило, закрепнувањето е брзо (од 1 до 3 дена), а главниот проблем е можна дехидрација, особено кај малите деца и постарите лица. Симптомите обично се развиваат 12 до 48 часа по изложувањето.
Може да се појави и општа летаргија, слабост, мускулни болки, главоболки и ниска температура.
Превенција
Превенцијата вклучува правилно миење на рацете и дезинфекција на контаминирани површини. Почесто се јавува во зима, а особено изложени се групи на луѓе кои престојуваат во исти простории (како градинки).
Интересно е тоа што триењето на рацете со алкохол е помалку ефикасно од миењето раце, бидејќи на норовирус му недостасува липидна вирусна обвивка.
Недоволно термички обработените школки исто така често се причина за норовирус, затоа внимавајте кога ги консумирате.
Третман
Не постои вакцина или специфичен третман за норовирус. Вообичаено, на пациентите им се дава раствор за рехидратација и болеста поминува сама по себе.
Симптомите вклучуваат гадење, повраќање, грчеви во стомакот и дијареја. По правило, закрепнувањето е брзо (од 1 до 3 дена), а главниот проблем е можна дехидрација, особено кај малите деца и постарите лица
По инфекцијата, имунитетот на истиот сој на вирус штити од повторна инфекција помеѓу шест месеци и две години, но не заштитува целосно од инфекција со други генотипови на вирус, кои ги има многу.
Вирусот е многу отпорен
Норовирусот може да преживее долго време надвор од човечкиот домаќин. Може да преживее со недели на тврди и меки површини, со месеци, можеби дури и со години во контаминирана мирна вода. Студијата од 2006 година покажала дека вирусот останува на површините што се користат за подготовка на храна седум дена по контаминацијата.
