Едно неодамнешно истражување на Јагелонскиот универзитет открива дека татковците со ќерки обично живеат подолго од оние кои немаат ќерки. Поточно, со секоја родена ќерка, животот на таткото се продолжува за 74 недели.
Истражувачите од Јагелонскиот универзитет во полскиот град Краков анализирале податоци од повеќе од 4.310 луѓе (2.147 мајки и 2.163 татковци) за да го испитаат влијанието на децата врз долговечноста на родителите. Резултатите покажале јасна шема: додека синовите немаа мерлив ефект врз животот на татковците, ќерките биле поврзани со продолжување на долговечноста на татковците.
„Колку повеќе ќерки имаат, толку подолго живеат. Попрецизно 74 недели подолго за секоја родена ќерка“, пишува во студијата.
Постојат неколку фактори кои можат да ја објаснат оваа поврзаност помеѓу ќерките и долговечноста на татковците:
Избор на поздрав начин на живот: Татковците со ќерки често прифаќаат подобри навики, како што се подобрена исхрана и редовно вежбање.
Намалување на стресот: Ќерките обезбедуваат емоционална поддршка што може да го намали нивото на стрес. Истражувањата покажуваат дека татковците на ќерките имаат помала веројатност да се вклучат во ризично однесување и почесто бараат лекарска помош кога им е потребна.
Емоционална поддршка: Врската татко-ќерка создава систем на поддршка што го подобрува менталното и физичкото здравје.
Значи, се чини дека уникатната врска меѓу татковците и ќерките има физиолошки, а не само емоционални придобивки. Овој однос често ги мотивира татковците да им дадат приоритет на здравјето и благосостојбата, што може да доведе до создавање на долгорочни навики кои го продолжуваат животот.
Различно влијание врз мајките
Интересно е што не се забележани здравствени придобивки кај мајките. Според одделни истражувања објавени во Американското списание за човечка биологија, и синовите и ќерките всушност можат да ја намалат долговечноста на мајката поради физичкиот и емоционалниот стрес од воспитувањето на децата.
Спротивно истражување спроведено во текот на 14 години покажа дека децата, без разлика на полот, ја зголемуваат долговечноста на двајцата родители во споредба со паровите без деца.
