Пандемијата со новиот коронавирус, оваа учебна година донесе големи промени меѓу децата. Затворањето на училиштата и учењето преку интернет, како и ограниченото движење на децата го поремети нивниот дневен ритам и обврски. Голем број родители се жалат дека кај децата особено е нарушена рутината на спиење, како додка траеше училишната година, така и сега додека тие се на распуст. Децата доцна заспиваат, доцна стануваат. Ваквото пореметување, велат експертите може да доведе и до нарушување на спиењето или несоница.
Како да препознаете дали вашето дете има проблем со инсомнија?
Несоницата е нарушување на спиењето. Додека поголемите деца може да се пожалат сами, кај помалите најчесто родителите се тие кои посочуваат за појавата на овој проблем. Последиците од инсомнија генерално се поврзани со чувство на ненаспаност при спиење и проблеми во секојдневното функционирање.
Инсомнијата може да се класифицира во однос на времетраењето (краткотрајна или долготрајна), сериозноста и фреквенцијата на проблемот. Краткотрајната инсомнија може да трае само неколку дена или недели. Долготрајната инсомнија се појавува три пати неделно во период од еден месец и може да е предизвикана последици за кои ви е потребна лекарска помош (на пример депресија, анксиозност, болка и друго). Понекогаш, очигледни причини не постојат.
Кои се симптомите на инсомнија?
Симптоми на инсомнија вклучуваат:
- Проблеми со спиењето – потешкотии при заспивање, спиење конзистентно или будење рано
- Тензија / напнатост пред одење во кревет и сомнеж дали ќе успее да заспие
- Поспаност во текот на денот
- Проблеми на училиште и во однесувањето
- Раздразливост / промени во расположението
- Депресија
- Хиперактивност
- Намалено внимание
- Агресија
- Проблеми со меморијата
Не постои специфичен тест за инсомнија. Дијагнозата се базира на симптоми и исклучувањето на медицински проблеми, психолошки проблеми и други нарушувања на сонот.
