Хеморагиската болест кај новороденчињата се јавува како резултат на недостаток на витаминот К, а еве што педијатрите советуваат за превенција на оваа болест кај вашето бебе.
Хеморагиската болест кај новороденчињата е стекнато, минливо пореметување на коагулацијата на крвта, а ја карактеризира намалена активност на факторите на коагулација зависни од витаминот К.
Витаминот К е важна состојка на некои фактори на згрутчување на крвта, без кои не само што крвта не може да се згрутчи по повреда, туку се појавуваат и спонтани крварења.
На заболените бебиња, покрај витамин К, понекогаш е неопходно да им се даде и крвна плаза, која содржи фактори на згрутчување, а при губењето на поголема количина крв и трансфузија еритроцити. Овие доенчиња, подоцна, по правило имаат потреба од повеќемесечна терапија со препарати за железо.
Во цел на спречување на појавата на оваа болест, пропишано е задолжително давање на витамин К на децата, непосредно по породувањето. Освен тоа, важно е што порано да се започне со доење, со што се поттикнува населувањето во бебешките црева со “добри“ бактерии, производители на витамин К. Извесна количина бебето добива и преку мајчиното млеко.
