Здравата исхрана, особено кога сме болни, има голема улога во нашето закрепнување. Сепак, одредена храна треба да се избегнува бидејќи може да ги влоши симптомите на болеста или да го продолжи оздравувањето.
Според Американскиот центар за контрола и превенција на болести (CDC), кога сте болни треба да внесувате храна богата со витамини и минерали кои се борат против вирусите, како што се витамин Ц, витамин Д и цинк – особено ако имате COVID-19.
Овие пет видови храна можат да ви пречат во закрепнувањето, но и да го зголемат воспалението.
Треба да се избегнуваат газирани и други засладени пијалаци
Преработена спакувана храна
Ако имате COVID-19, треба да избегнувате храна богата со натриум, конзерванси, адитиви и додадени шеќери. Познато е дека секоја од овие работи предизвикува воспаление.
„Преработената храна, со високо ниво на шеќер, омега-6 масни киселини, прекумерни количини на натриум и лоши адитиви, од друга страна, може да поттикнат сериозно воспаление“, вели нутриционистката Сиднеј Грин, додавајќи дека поради тоа телото може да биде поподложно на болести.
Затоа, треба да се избегнува преработена храна што содржи натриум и други нездрави адитиви што се користат за продолжување на рокот на траење, како што се солени чипсови и друга спакувана храна.
Црвено месо
Без разлика дали имате COVID-19 или не, црвеното месо треба да се избегнува поради високата содржина на заситени масти, што може да предизвика воспаление. Додека се борите против вирусот, важно е да јадете храна која делува на намалување на воспалението. Наместо црвено месо, одлучете се за риба и растителни протеини, како што се гравот и леќата.
Пржена храна
Пржената храна е богата со маснотии, а ако се консумира прекумерно, може негативно да влијае на микробиомот на цревата и на крајот да ја потисне имунолошката функција. Пржената храна исто така може да го зголеми „лошиот“ холестерол или ЛДЛ, кој е поврзан со кардиоваскуларни болести.
Газирани пијалоци
Додадените шеќери, исто така, предизвикуваат воспаление во телото. Нутриционистот Ангел Планелс објаснува за „Eat This“ дека треба да се избегнуваат газирани и други засладени пијалаци, особено кога се борите со болест.
Зачинета храна
Избегнувајте зачинета храна бидејќи зачините можат да го иритираат грлото, а тоа може да влијае врз продолжување на кашлицата.
