Ако сте тазе родител, сигурно имате безброј прашања и секојдневно се борите со несигурностите. Првиот пат во што било е голем предизвик, а првото дете е можеби најголемиот предизвик.
Во денешно време е многу полесно да се дојде до информации. Ако погледнеме само три децении наназад, ќе забележиме дека родителството било многу понапорно во тој поглед. Денешните родители можат да стигнат до повеќе совети за само неколку секунди и кликови.
Иако првата година на родителство може да биде тешка, две третини од испитаниците веруваат дека родителството е нивното најголемо животно достигнување. Родителите особено уживале во некои смирувачки ритуали со своите бебиња, како што е нанесување лосион, држење и заедничко фотографирање
Ако се чувствувате дека Гугл е третиот родител во вашето семејство, добре дојдовте во клубот
Истражување спроведено на 2.000 родители со деца помлади од две години покажало дека новопечените родители во просек му поставуваат прашања за бебиња на Гугл шест пати дневно.
Со едноставна пресметка доаѓаме до околу 2000 прашања во првата година од животот на детето.
Прашањата што овие родители најчесто ги поставувале биле за тоа кои производи за бебиња ги препорачуваат експертите и како да се грижат за состојби како што е пеленскиот осип (43 отсто). Родителите исто така барале и информации за исхраната на бебињата (40 отсто), причини за плачење на бебињата (38 отсто) и зошто нивното бебе не спие (37 отсто).
Бебињата се навистина голема мистерија за нивните родители
38 отсто од анкетираните родители признале дека биле изненадени кога сфатиле колку малку всушност знаеле за грижата за бебето во првата година.
Неизвесноста и стравот од грешки во текот на првата година од животот на детето се навистина високи, а 71 отсто од родителите кои учествувале во истражувањето признале дека на тој пат многу се потпирале на експерти за родителство.
Покрај користењето на Гугл, во текот на првата година родителите им се јавувале на своите родители околу 56 пати, а на медицинските работници 67 пати. Тие, исто така, поминале во просек 1.600 часа држејќи го своето бебе и минувајќи преку 77 непроспиени ноќи, па не е ни чудо што морале да побараат помош.
Иако првата година на родителство може да биде тешка, две третини од испитаниците веруваат дека родителството е нивното најголемо животно достигнување. Родителите особено уживале во некои смирувачки ритуали со своите бебиња, како што е нанесување лосион (42 проценти), држење (39 проценти) и заедничко фотографирање (38 проценти).
