Ова се најголемите детски стравови:
Од 0 до 6 месеци
Бебето може да покаже страв кога ќе слушне гласен звук, под услов за него да се изненаден и неочекуван. Алармантно може да биде и кога бебето не ја глед аи не ја слуша мајката, и почувствува дека е само во просторијата.
Од 7 до 12 месеци
Во овој период е изразена срамежливоста, како и стравот од непознати лица. Тоа сугерирадека мозокот на детето доволно се развива да може да распознае непознати луѓе.
1 година
Одвојувањето од родителите е главен страв во овој период и не го напушта детето се до неговата 6 година. Детето може да има и страв од бучава, како на пример пуштање вода во тоалет.
2 години
Децата на оваа возраст се плашат од големи животни, како и од големи објекти воопшто. Стравот од темница се развива на овие години и може да преставува пречка детето навреме да си легне да спие.
Од 3 до 4 години
Поради развојот на имагинацијата, децата на оваа возраст имаат способност да замислуваат дека нешто лошо ќе им се случи ним или на други луѓе. Соништата стануваат поживи, сонуваат за чудовишта или други застрашувачки работи. Се плашат од животни, лица со маски, а неретко им е потребна и заштита во текот на ноќта.
Од 5 до 6 години
На оваа возраст детето се плаши од физички повреди, а може да има страв и од “лоши“ луѓе. Стравовите се пресликуваат на играта, отии имаат страв дека ќе им се случи нешто лошо. Се плашат од грмотевици и молњи.
Од 7 до 8 години
Се плашат од самотија и празен дом. Не сакаат да бидат сами во просторијата. Често зборуваат за смртта и се плашат да не им биде повреден некој близок. И натаму се плашат од темница.
